«حمل الليالي خفيف لما يشيلوه 2».. إشادات كبيرة بزوجة مؤمن زكريا

أحدثت زوجة اللاعب "مؤمن زكريا" حالة فريدة من نوعها على السوشيال ميديا منذ أمس، بعد ظهورها معه بينما كان يتعكّز عليها، خلال تكريمه فى
احتفالية تسليم درع الدوري وتم التقاط أكثر من صورة لها، وتنوعت تعليقات السوشيال ميديا عليها.

قال أحد مغردي تويتر: "لا أستطيع بأي حال أن أخفي إعجابي بما تصنعه زوجة مؤمن زكريا معه، ومن كونها بالفعل نعم السند له في أزمة مرضه، امرأة واضح من تصرفاتها أنها أصيلة من بيت أصيل، يصطحبها مؤمن معه في كل مكان لشعوره بالدفء معها والاتكاء عليها.. الزوجة الصالحة التي تتحمل زوجها في مثل هذه الظروف لا يعدلها شيء".

بيتنا قال محمد أحمد مغرد آخر: "لقطة مهمة لازم أي حد يشوفها يقف عندها ويتأمل فيها ويتعلم منها زوجة مؤمن زكريا كانت واقفه قدامه وهو بينزل من المدرجات علشان يسند عليها وهو نازل علشان يقدر ينزل، المعنى الحرفي لكلمة السند، السند هو اللي يسندك لما الدنيا تميل عليك وتوقعك تلاقي السند موجود وبكل حب بيسندك ويقولك ماتخافش مش هتقع طول ما أنا هنا، أنا عايز أشكرها جدًا على الرغم من إننى لا أعرفها".

بينما قال عمرو محمد: "أنا متأكد أن جزء كبير من صبر مؤمن زكريا على فترة مرضه كان بسبب مراته، الضغط النفسي اللي عاشوه سوا، بعده عن الملاعب والأضواء، مستقبله اللي انتهى بدري، كل ده الراجل ميقدرش يعديه لواحده أبدًا، الراجل في الأزمات اللي زي دي بيبقى إبن مراته، تسنده وتتحمله وتقولها إنها هتفضل جنبه، وقتها بيحس أنه مهما خسر فهو في الحقيقة مخسرش حاجة، حمل الليالي خفيف لما يشيلوه إتنين، ومعدن الراجل بيظهر لما بيبقى معاه كل حاجة ويختار زوجته، ومعدن الست بيبان لما الراجل يخسر كل حاجة ويلاقيها جنبه، الحب الحقيقي جميل أوي وبيخلي الواحد ينتصر على أي حاجة".

وكانت ريهام زوجة مؤمن زكريا لاعب النادي الأهلى قد وجهت الشكر لمسؤولى الأهلى وجمهوره للوقوف بجواره وتكريمه فى لحظة رائعة، مضيفة: أشكر الجميع على الدعم المعنوى.

وأضافت فى تصريحات صحفية لها: مؤمن في تحسن دائم واللى جاى أحسن.

وأشارت إلى أن حب الناس نعمة كبيرة جدا من ربنا، مضيفة: "الخطيب اطمأن على مؤمن والعلاج فى الأيام القادمة ونتمنى من الله أن نراه أحسن فى الوقت القريب".