أحمد فلوكس: هتجوز والعروسة مهرها كبير والشبكة مش عادية
علق الفنان أحمد فلوكس على شائعة زواجه، بعد أن نشر صورة لسرير مزين بالورد داخل أحد الفنادق، وتوقع الجمهور والمتابعون له بأنه تزوج ويقضي شهر العسل.
وقال فلوكس، عبر حسابه الشخصي على موقع "إنستجرام": "الحقيقة آه ادعولي أتجوز الإنسانة اللي قابلتها والحقيقة هي كانت معايا في نفس المدرسة وعشرة سنين ومش زي ما قالوا خبيرة تجميل، هي الحقيقة سيدة أعمال في مجال السياحة وبنت ناس محترمين جدًا ومن عيلة، ولأن وزنها يتاقل دهب والحقيقة علشان أقدر أروح أطلب إديها وأنول شرف جوازها محتاج ترتيبات كتير وأحوش كتير علشان مهرها أكيد مش مهر عادي ولا شبكتها هتكون شبكة عادية".
وتابع فلوكس: "وبما إني مش صغير وعندي ابن فأكيد هي كمان مش صغيرة وأكيد عندها ولاد من أجمل الأولاد اللي شوفتهم في حياتي، فأكيد الجواز محتاج وقت وتحضير وعلشان أروح لأهلها ده لوحده موضوع كبير فعلشان كده لسه ماخدتش خطوة صريحة".
وختم كلامه حول هذا الموضوع: "ادعولي علشان ساعات بيكون رزق ربنا لعبده هو واحدة زي دي تشاركه حياتوا، للي مهتمين بجوازي ادعولي ربنا يوفقني ده ردي علي موضوع الجواز، وفي النهاية أحب أقول كلمة واحدة بالنسبة لموضوع السرير (سكر محلي محطوط عليه كريمه)".
