أحمد فلوكس يفتح النار على محمد علي: "هات الملايين اللي خدتها"

فتح الفنان أحمد فلوكس، النار على المقاول الأجير محمد علي، بسبب دعواته للفوضى، قائلًا: "تعبنا وشقينا ونحتنا في الصخر، عشان نبقى حاجة، وأنت مهرج جاي تتكلم على الغلابة، هات الملايين اللي اخدتها ووزعها على الشعب بدل ما أنت طالع عامل دكر".

أضاف خلال لقائه على فضائية "إكسترا نيوز": "كان عندك شركة مقاولات عملت لهم ايه؟ بنيت لهم؟ بتدعو لثورة، ولما ننزل الميدان، هنعمل إيه؟ هتنزل سعر الدولار؟ هتشغلهم؟ هتأكلهم؟".

وأردف: "8 سنين اتنفخنا عشان مصبرناش، هنعيد تاني؟ والناس بتقول إننا مطبلاتية، ومعانا فلوس ومش حاسين بحاجة، فلوس بتاعة إيه هو فيه فن ولا دراما، احنا قاعدين في بيوتنا، وأبويا يوم ما تعب واحتاج دعامة طلبنا علاجه على نفقة الدولة طلعوا لنا 3 آلاف جنيه، وعلاجه 90 ألف جنيه، بعت السيارة وعالجناه".

وتابع:"90% منا تعبان، اللي يتكلم يتقال عليه مطبلاتي، يا إما منافق يا متلقن، أو ممسوك عليه حاجة، يا جماعة السيسي شال كفنه على ايده، وقال للناس قولوا احنا معاك، وأنا اخلصكم من الهم، كان دكر حمى البلد، لم يهرب، أما أنت يا محمد يا علي مش راجل".