"حرم الكروان".. زوجة عصام صاصا تصدم الجمهور برقصها فى حفل تامر حسنى (فيديو)
أثارت "جهاد"، زوجة مطرب المهرجانات عصام صاصا، الجدل للمرة الثالثة بعد ظهورها في حفل الفنان تامر حسني بالإسكندرية، أمس.
وظهرت "جهاد" في الصفوف الأولى أمام المسرح وهي ترقص على أغاني الفنان تامر حسني بالحفل، ما أثار موجة واسعة من الانتقادات ضدها على السوشيال ميديا خاصة بعد حبس زوجها في قضيتي القتل الخطأ وتعاطي مخدرات.
وظهرت "جهاد"، زوجة عصام صاصا في فيديوهات سابقة بعد حبس زوجها على صفحتها الرسمية بـ"تيك توك"، لتبكي بشدة على فقدانها زوجها بسبب قرار حبسه.
https://www.tiktok.com/@mosalahuth/video/7427271518213639431?_r=1&_t=8qfMDldoffr
وهاجم حساب حمل اسم يوسف، جهاد زوجة عصام صاصا، بسبب الفيديو الخاص بوجودها في حفل تامر حسني، قائلًا: "بصراحة كده ليها حق الناس تتكلم عليكي يا جهاد أنا كنت متعاطف معاكي لما قلتي شغل عشان عندك مسئولية".
وعلّقت مي شعبان، من رواد مواقع التواصل الاجتماعي، قائلًة: "ولا علي بالها إني جوزها محبوس"، واتفقت في الرأي سلمي، من روّاد السوشيال ميديا قائلًة: "وتطلع تبكي وتقولك صاصا واحشني وبموت مش عارفة أعيش حياتي وهو بعيد عني".
وظهرت "جهاد" زوجة عصام صاصا في حفل زفاف مؤدي المهرجانات إسلام كابونجا على فتاة من خارج الوسط الفني.
وردّت "جهاد" في فيديو سابق لها على الانتقادات التي تعرضت لها بعد ظهورها على السوشيال ميديا عقب الحكم على زوجها بالحبس في تهمتي التزوير والقيادة تحت تأثير المخدرات، حيث قالت في مقطع فيديو نشرته عبر "ستوري" إنستجرام: "الكلام بيفرق في النفسية، سواء حلو أو وحش، وبلاش كلامكم السخيف، أنا عندي أهل وعندي ابن وجوزي اللي كان مخليني مش محتاجة أي حاجة وأنا برضو هخليه مش محتاج حاجة وهموت نفسي شغل ليل نهار علشان أي حاجة جوزي يطلبها تبقى موجودة".
وأضافت: "بلاش تقولوا هي الفلوس اللي معاكم راحت فين.. في فلوس محامي وفي فلوس دية اتدفعت في 4 شهور، كان حالنا واقف وعندنا 3 بيوت مفتوحين والراجلين اللي في البيت مش موجودين قدروا ده أنا مبطلعش أشحت أو أقول لحد هات جنيه أنا بطلع أشتغل.. الأغاني اللي بتنزل على التيك توك ده شغل بتقولوا أنتي بالك رايق تعملي تيك توك، لو أنتي شايفة إن بالي رايق ادعي ربنا يخلي عندك نفس روقة البال".
وأردفت: "أنا امبارح رحت عزاء عملت الواجب، وبعد كده نزلت شغل وطلعت لايف مع صحابي ده مش معناه إني مش زعلانة.. بعيد عن إنها صاحبتي أي حد هيشوف حادثة زي دي هيتأثر وهيزعل وأنا براعي حرمة الميت وظروف صاحبتي بس أنا برضو ظروفي بتخليني ملزمة أنزل الشغل".
وقالت: "الفلوس اللي معانا خلصت بعد ما دفعنا الدية، عصام بقاله 4 شهور مش شغال قبل فترة الحبس، وإحنا رجالة بيتنا الاتنين مش موجودين، ارحموني وبطلوا تقولوا إني مش زعلانة".
واختتمت: "مش معنى إني بطلع لايف يبقى مش زعلانة، أنا لو وحدة مش كويسة جوزي لما يطلع مش هيكلمني، أنا بصرف على 3 بيوت محدش يعلم ظروفي فبطلوا كلام بدون ما تفهموا الحقيقة".
استئناف عصام صاصا
وحددت محكمة استئناف القاهرة، جلسة 27 أكتوبر 2024، لنظر استئناف مطرب المهرجانات عصام صاصا على حبسه 6 أشهر في تهمة تعاطي مواد مخدرة عقب دهسه مواطنًا أعلى الطريق الدائري بالطالبية.
وقضت محكمة جنايات الجيزة بالحبس 6 أشهر مع الشغل على عصام صاصا في تعاطي المواد المخدرة وانقضاء الدعوى الجنائية في تهمة القتل الخطأ للتصالح مع أسرة المجني عليه.
أبرز المعلومات عن “جهاد” زوجة عصام صاصا
- تتمتع جهاد بقاعدة جماهيرية واسعة على وسائل التواصل الاجتماعي، خاصة على تطبيق تيك توك، حيث يتابعها الملايين.
- تقوم بترويج منتجات لشركات التجميل ومحلات الملابس عبر وسائل التواصل الاجتماعي مقابل مبالغ مالية كبيرة.
- تطلق جهاد على نفسها لقب "حرم الكروان"، وتحرص دائمًا على التعبير عن حبها الشديد لزوجها عصام صاصا من خلال حساباتها على وسائل التواصل الاجتماعي.
