"كنت نايم وصحيت لقيت الشيوخ بتقرأ قرآن وترش ميه".. ماذا قال نجل التربي في فبركة سحر مؤمن زكريا؟

يواصل "الدستور" نشر نص تحقيقات النيابة في القضية رقم 6904 لسنة 2024 جنح الخليفة، بشأن فبركة واقعة العثور على سحر لـ مؤمن زكريا، 36 سنة، لاعب كرة قدم سابق، ومنها أقوال المتهم عباس رمضان، وشهرته حكيم، نجل التربي.

س: ما قولك فيما هو منسوب إليك من أنك متهم وآخرين بإذاعة أخبار وإشاعات كاذبة عمدًا؟

ج: محصلش.

س: ما هي ظروف ضبطك وعرضك علينا؟

ج: اللي حصل أنه كان نايم في البيت فوق ولاقيت أخويا الصغير بيصحيني من النوم وبيقولي أن مؤمن زكريا تحت ومعاه أثنين شيوخ وبيقول أنه معموله عمل ولما نزلت تحت لاقيت أنهم كانوا ماسكين عروسة لعبة والشيوح كانت عمالة تقرأ قرآن وترش مياه بملح وبعدها قعدوا حوالينص ساعة ومشيوا هما كلهم وانا طلعت فوق تاني وتاني يوم روحت الشغل عادي في المقطم ولما روحت البيت لاقيت أبويا اتقبض عليه فروحت قعدت عند خالتي في المقطم ولم عرفت أنهم قبضوا على أبويا وأهلي وأنا كنت نازل عند البيت لاقيت ضابط ومعاه ثلاثة أمناء شرطة وقفوني وسألوني عن موضوع مؤمن زكريا وأنا قلتله أنا معملتش حاجة وحيكلته على كل اللي حصل وبعد كده راح أخدني وركبني ميكروباص وطلعنا على قسم الخليفة وفي القسم طلعت وحدة المباحث وفضلت قاعد في المباحث لحد انهارده وبعد كده لقيتهم نزلوني الحجز وانهارده جابوني على النيابة وهو ده كل اللي حصل.

وكشفت تحقيقات النيابة أنه بفحص الهاتف المحمول الخاص بالمتهمة أمنية كسبان، تبين وجود محادثات بينها وبين المتهم عباس رمضان نجل التربي على الواتس آب على رقم هاتفه، وهناك محادثات قبل ميعاد العثور على السحر بها الصورة المزعوم العثور عليها وبها سحر مدفون ورد عليها عباس رمضان هيجيلك نطبعهم.