سؤال يتسبب فى انهيار محمد لطفى بـ«حبر سرى» (فيديو)
دخل الفنان محمد لطفي، في نوبة بكاء؛ بسبب فقرة "أخطر سؤال" ضمن برنامج "حبر سري" وكان السؤال عن الفنان الراحل هيثم أحمد زكي، واتهام الناس لمحمد لطفي أنه قصر في حقه قبل رحيله.
وقال لطفي خلال حلوله ضيفًا على البرنامج المُذاع على قناة "القاهرة والناس": "أنا مقصرتش في حقه خالص، كنت بكلم هيثم طول الوقت في التليفون".
وتابع: "كنت بروحله التصوير أزوره، وكان بيكلمني لو أي حد زعله ومكنتش بسيبه خالص، هو بس في الفترة الأخيرة كنا هنعمل فيلم كابوريا مع بعض وكان بيتمرن في زايد".
محمد لطفي: المكملات تسبب مشكلات صحية خطيرة للشباب
واستكمل: "الله أعلم بسبب الوفاة الحقيقي، لكن ممكن يكون بسبب المكملات اللي أخذها علشان كان عاوز يعمل فورمة في فترة قصيرة".
ونصح محمد لطفي الشباب بعدم تناول تلك المكملات لأنها تسبب مشكلات صحية خطيرة: "أنا أهو فوق الخمسين وعضلاتي موجودة علشان عملتها في سنين مش في مدة قصيرة، اللي بيتعمل في 3 شهور بيروح في 3 أشهر".
