مينا عطا يطرح أحدث أعماله الغنائية «أنا بتخان» (فيديو)
طرح المطرب مينا عطا نجم الموسم الأخير من برنامج اختيار المواهب الشهير “ستار اكاديمي” أحدث اعماله الغنائية بعنوان “أنا بتخان” عبر حسابه الرسمي بموقع الفيديوهات الشهير “يوتيوب” وعدد من المنصات الغنائية الرقمية.
كلمات أغنية أنا بتخان لمينا عطا
ماتت روحى خلاص روحى .. يا طيبة شيعت بزيادة
هعيش واحد و اكون جاحد .. برد غشيم غير العادة
جبل واقف و مش خايف .. راجل و رقبتى سدادة
قلوب سودة مفيش رحمة .. بكسرة عينكوا هتراضى
انا بتخان .. لقيت الغدر و القلة فى كل مكان
و شايف نفسي فى مراية .. بقيت بهتان
انا حساس .. و روحت فى عزلة مع نفسي هجرت الناس
كفاية ان اتكسر نفسي تعبت خلاص …
الغدر بتاعكوا ساب .. ساب جرح و كله وجع
الصح معاكوا غاب .. والنور فى قلوبكم قطع
مش نافع فيكوا عتاب .. مبدأكم مش جدع
العيش و الملح تراب.. كان جوع من بعد شبع
انا بتخان .. لقيت الغدر و القلة فى كل مكان
و شايف نفسي فى مراية .. بقيت بهتان
انا حساس .. و روحت فى عزلة مع نفسي هجرت الناس
كفاية ان اتكسر نفسي تعبت خلاص …
وتعاون مينا عطا مؤخرا مع المطربة رنا سماحة في أغنية بعنوان “باد بوي” والتي قدمها الثنائي على طريقة الديو وهي رؤية فنية و موسيقية لـ حمادة بسيوني وكلمات الشاعر الغنائي كريم كلوشة ألحان و توزيع موسيقي رامي المصري وجيتار أحمد حسين.
كلمات أغنية باد بوي
مقدرش استحمل حبوب
دبدوب بيدلدل بيجيلى مقلوب متحنجل
يرمى كروته من اولها
ليه هترمى بلاكى اصلاً عينى مش شيفاكى
مابخطيش خطوة وراكى اتهدى يا بت و ريحيلها
انت باد بوى باد بوى باد بوى
لا انا جود بوى جود بوى جود بوى
فوقلها ماتفكرنيش زيها اللى انت بتمشى معاها
انا غير كل اللى عرفتهم
ليه بتأفورى بطلى حبة تحورى من غير ميك اب اتصورى
هتلاقى نفسك زيك زيهم
انت باد بوى باد بوى باد بوى
لا انا جود بوى جود بوى جود بوى
قاعد بتون ليل نهار عمال بترن زهقتنى يا اخى من الزن
هو مفيش غيرى ولا ايه
ايه يا مفلترة فى غيرك مظبوط مسطرة حالتك حالة متوترة مودك غريب وماليش انا فيه
انت باد بوى باد بوى باد بوى
لا انا جود بوى جود بوى جود بوى
بلاش حواراتك فاهمة و حافظة اسطواناتك خرجنى انا برة حياتك جوك مش نافع ليا
انسى انى اتهز مابتهزش اتغاظى كمان
تلبسى الوان تعملى شيريهان انا اصلاً فى حتة تانية
انت باد بوى باد بوى باد بوى
لا انا جود بوى جود بوى جود بوى
