أحمد البدرى يهاجم تامر حسنى ويكشف سر خلافه مع محمد رمضان

كشف المخرج أحمد البدري، خلال لقائه ببرنامج «نص الكلام»، المذاع على قناة النهار، وتقدمه الإعلامية راغدة شلهوب، تفاصيل عن خلافات جمعته مع الفنان تامر حسني والفنان محمد رمضان.

وحكي "البدري" تفاصيل جديدة لأول مرة عن الفنان تامر حسني، مشيرًا إلى أن تامر رفض أن يخرج الجزء الثالث من العمل وأتي بالمخرج محمد سامي بدلًا منه.

وأضاف المخرج، "إحنا نجحنا مع بعض، في 2009 و2010 أخدنا أعلى إيراد في السينما المصرية في عمر وسلمى 2، ورفض إني أعمل معاه الجزء الثالث من عمر وسلمى، عشان فكر جديد وبحجة أني كنت مش بسمع الكلام وبأصر على اللي كنت عايز أعمله، والحمد لله إن على الشاشة  كنت بعملك حاجة كويسة".

وتابع "الهرم دلوقتي اتقلب، المخرج بقى درجة تالتة والنجم بقى هو الدرجة الأولى وهو اللي بيجيب الكاست والمخرج ومدير التصوير ومهندس الديكور، ومحمد سامي كان عنده فكر تاني وأقنع تامر بيه".

وواصل "ولما جه يكلم المنتج قاله لا أنا عايز أحمد البدري فتامر قاله معلش دا فكر تاني وموضوع تاني، ومعاتبتوش من وقتها".

- خلافه مع محمد رمضان: كان بيننا سوء تفاهم

وعن خلافه مع الفنان محمد رمضان، كشف أن الموقف الذي جمعه لم يكن خلافا ولكن سوء تفاهم، قائلا: "كنت بنقل مسرحية "أهلا رمضان"، تليفزيون، وكنت قاعد في آخر المسرح عشان أظبط زاويته ولما ندهت عليه بصوت عالي بحكم بعدي عنه قالي انت بتزعق ليه روحت ماشي وسايب المسرح خالص".

وأضاف، "وقتها خرجوا ورايا وجابوني ودخلنا جوه واتصافينا، والموقف عدى وكان سوء تفاهم بسيط وخلص".