«أنت قلودة أوي».. رسالة غامضة لشخص مشهور تقود عمرو مصطفى لتصدر التريند
تصدر الفنان والملحن عمرو مصطفى محركات البحث على “جوجل” وعلى تطبيق “تويتر” والسوشيال ميديا في الساعات الأخيرة، بعدما كتب عمرو مصطفى منشورًا عبر صفحته الرسمية على موقع التواصل الاجتماعي فيسبوك، سخر فيه من مطرب شهير ولديه جمهور كبير، وكبير في العمر أيضًا، مما جعل رواد السوشيال ميديا، يتنبأون بأنه يقصد الهضبة عمرو دياب بهذا المنشور، وما بين استنكار وهجوم وفضول من آخرين، دارت تساؤلات كثيرة حول من المقصود بمنشور عمرو مصطفى؟.
رسالة غامضة لشخص مشهور تقود عمرو مصطفى لتصدر التريند
“رسالة لجدو.. هفضحك”
كان مضمون منشور عمرو مصطفى: رسالة لجدو .. هتبعت ناس ولجان تشتم علي الصفحه ولا هيهز شعره مني فلوس بترميها في الارض هتبعت ناس تقول صوته وحش ملكش دعوه انا هغني وصوتي وحش هتروح تخلي ناس تسرب الاغاني هطلع افضحك وساعتها هتكون نهايتك بجد، هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب ، هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف احسن من ملايين مزيفين يا جدو وفي الاخر اتقل علشان الجاي صعب”.
“انت قلوده قوي”
واستكمل عمرو مصطفى في منشوره على فيسبوك: نسيت انك بعت ناس للموزعين الي بشتغل معاهم في الخارج علشان انت قلوده قوي بس لما تنزل معاهم هفضحك عادي.
وعلى الصعيد الفني، طرح الفنان عمرو مصطفى أغنيته الأولى "إلا أنا" من ألبومه الجديد "غيرك مين" عبر قناته الرسمية على موقع الفيديوهات الشهير" يوتيوب".
كلمات أغنيته الأولى "إلا أنا"
إلا أنا أنا واجهة غلاف السنة أنا عندي الخلاف حرفنة لو هتسأل هناك أو هنا
أنا بعدي الكلام اتفنى الإ أنا في أول صف أنا وبعدي يجي ناس وسابق كله أنا علشان أنا الأساس يقولو ١٠٠ سنة دا كله كلام اتداس في أول صف أنا بقالي سنين
وحاولوا يقلدوا ومش عارفين إلا أنا أنا واجهة غلاف السنة أنا عندي الخلاف حرفنة لو هتسأل هناك أو هنا أنا بعدي الكلام اتفنى إلا أنا حكايتي مكملة يغير اللي يغير دي أول مرحلة ولسه جاي كتير
يعيشوا في أسئلة وأنا سري في بير.
