أحمد حلمى لـ«الدستور»: سعيد بـ«واحد تانى».. وهذا سبب اختيارى «فقدان الشغف»
عبر الفنان أحمد حلمي، عن سعادته بردود الفعل المميزة حول فيلمه الجديد «واحد تاني» الذي يعرض خلال موسم عيد الفطر المبارك، ووصلت إيراداته إلى ما يقرب من 45 مليون جنيه خلال 9 أيام.
وقال «حلمي»، في تصريحات خاصة لـ«الدستور»:«الحمد لله أنا مبسوط جدا برد فعل الناس والجمهور على الفيلم ومبسوط بالإيرادات اللي حصلت لأنها بالنسبة لي تعتبر من أعلى الإيرادات اللي حققتها خلال الفترة اللي فاتت".
وعن تدقيقه في اختياراته الفنية، قال «حلمي»:«أنا على المستوى الشخصي بحب اختار مواضيع تكون مختلفة وفي عوالم مختلفة، وسبب اختياري لموضوع فقدان الشغف في فيلم واحد تاني، إني كنت شايف إنه فيه شباب كتير بيبقى عنده فقد الشغف ومش عايز يعمل حاجة وفقد الحماس، فحبيت إن أقدم فكرة تعبر عنه المشكلة، وفي نفس الوقت نحس إن كل دقيقة في حياتنا مهمة".
وأشاد بفريق العمل معه في الفيلم الجديد:"بالنسبة لكاست الفيلم أنا سعيد جدا بالعمل معهم روبي وأحمد مالك ونسرين أمين وسيد رجب وعمر عبد الجليل ومحمود حافظ وهيثم دبور المؤلف محمد شاكر خضير المخرج".
وثمن التعاون مع شركة الإنتاج "سينرجي فيلمز"، مضيفًا:"أحب إني أنا أكرر التجربة معاهم مرة واثنين وثلاثة بعد تجربة فيلم تاني واللي كانت مميزة للغاية".
فيلم «واحد تاني» بطولة: أحمد حلمي، روبى، نسرين أمين، عمرو عبدالجليل، سيد رجب، أحمد مالك، نور إيهاب وعدد آخر من الفنانين، ومشاركة عدد من ضيوف الشرف، منهم: عمرو وهبة، من تأليف: هيثم دبور، وإخراج:محمد شاكر خضير، وإنتاج: شركات سينرجي فيلمز، وماجيك بين وأفلام مصر العالمية وأوسكار.
