الموت يفجع المطربة رنا سماحة وتطلب من جمهورها الدعاء
أعلنت الفنانة رنا سماحة، اليوم الخميس، عن وفاة عمها وذلك عبر حسابها الرسمي على موقع التواصل الاجتماعي "فيسبوك".
وكتبت رنا سماحة، عبر حسابها الرسمي : "إنا لله وإنا إليه راجعون.. انتقل إلي رحمة الله تعالى عمي محمد سماحة.. مع السلامة يا حبيبي".
وطرحت الفنانة رنا سماحة كليب أغنيتها الجديدة بعنوان "أنا المستحيل"، من إخراج سامي بساط، وذلك عبر قناتها الرسمية بموقع الفيديوهات الشهير يوتيوب.
وأغنية "أنا المستحيل" من ألحان سامر أبوطالب، وتوزيع موسيقي أسامي سامي، وقام بأعمال الهندسة الصوتية ماهر صلاح.
يذكر أن سامر أبوطالب حرص على صلح زوجته رنا سماحة، ووجه لها رسالة بعد انتهاء الخلاف بينهما، قائلًا: "أولا الحمد لله، ثانيًا هقول الكلمتين الجايين دول لـ(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا، بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا.. نيجى بقى لـ(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض".
وردت رنا: "الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة.. عيشنا فترة صعبة والحمد لله أنها عدت، مفيش بنا أسف يا أبو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب آمين.. بحبك يا جوزي".
