نقاش يقتل ابن عمه حرقا بكرداسة: «عايز منه 50 جنيه»
تواصل النيابة العامة بمحافظة الجيزة، اليوم الأربعاء، تحقيقات موسعة في واقعة الشروع في قتل صاحب محل فراخ، على يد ابن عمته في منطقة كرداسة بسبب خلافات مالية.
واستمعت النيابة إلى أقوال شقيقة المجني عليه والتي أكدت: «محمد أخويا عنده 26 سنة، وفاتح محل لبيع الفراخ وخاطب بقاله 4 أشهر، والمفروض يتجوز بعد رمضان اللي جاي، بس ابن عمي منه لله هو اللي غار منه وولع فيه بجركن بنزين وتنر علشان باقي حساب النقاشة 50 جنيه».
وأضافت: «أبويا هو اللي قرب عيد ومحمد المتهم من بعض عشان كان بيقول إننا من دم واحد ولازم يبقوا في ضهر بعض، وكان هو اللي بيعمل نقاشة شقة عيد، عشان أبويا قال مش هنجيب صنايعي من بره ومحمد أولى بالفلوس دي وكان بيحاسبه يوم بيوم، ويوم الواقعة أخويا قالي أنه مضايق أن محمد نقش الشقة كلها أزرق ودي مش لون شقة عريس، فقلتله هنخليه يعمل اللي تحبه، لكن هو غدر بيه واستدرجه لشارع ضيق وولع فيه، وتسببله في حروق وعاهة في العين مش هيشوف بيها تاني».
كان قسم شرطة كرداسة، قد بلاغًا يفيد إشعال نقاش النيران في جسد ابن عمه باستخدام التنر، بسبب خلافات مالية، على الفور انتقلت الأجهزة الأمنية وتم فحص البلاغ ونقل المصاب للمستشفى لإسعافه، وحرر المحضر اللازم بالواقعة، والعرض على النيابة للتحقيق.
