وائل عبدالعزيز يهاجم محمد رمضان بسبب أزمة قائد الطائرة: «عيب»
علق الفنان وائل عبدالعزيز على أزمة الفنان محمد رمضان، مع قائد الطائرة الذي أقيل بسببه، خاصة بعد التصريحات الأخيرة التي أطلقها والفيديو الساخر الذي نشره مؤخرًا عبر صفحته الشخصية بموقع تبادل الصور والفيديوهات "إنستجرام".
وقال وائل عبدالعزيز في تدوينة عبر صفحته الشخصية بموقع "فيسبوك": "يا ابني انت بتعمل كده ليه.. ناقصك إيه عشان تبقي بالدماغ دي!!! ربنا إداك نعمة وحب الناس وقبول.. وأنا اشتغلت معاك ابن حلال مكنتش كدة خالص وكنت ابن بلد وجدع وكنا صحاب وآكلت معاك عيش وملح كتير وليك عليا إني أنصحك وهقولك الكلام ده هنا لإنك مختفي عننا وعن زمايلك كلهم وبردو منعرفش السبب".
وأضاف: "أنت فاهم معني الكلام اللي إنت كاتبه ده إيه!.. إنك بتستهزء وبتتشفي في بني آدام خسر شغله بسببك ولو حتى بتتريق على الناس اليل فصلته كلتا الحالتين مش صح.. إنت ليه حابب تكره الناس فيك... إيه الحلو في اللي إنت بتعمله ده عايز أفهم.. متركز في شغلك ونجاحك وتمثيلك بدل الهبد ده.. عيب يا محمد يا رمضان عيب وروح راضي الراجل ده عشان الناس تحترمك الراجل غلط وإنت كمان.. بس وقوفك جنبه هيغير كتير عند الناس صدقني!!؟ ومش عيب يبقى ليك مستشار إعلامي يقولك تكتب إيه وإيه لا.. عشان في كلام مينفعش يتقال يا محمد".
وكان محمد رمضان قد نشر فيديو من أحد الأعمال يظهر فيه وهو على سرير المرض وكأنه يخضع لجراحة، وعلق عليه قائلًا: "الدكتور اللي صورني وقفوه عن العمل مدى الحياة"، الأمر الذي فسره الكثيرون بأنه سخرية من كابتن أشرف أبواليسر قائد الطائرة.
