محمد ثروت: عادل إمام طلبني بالاسم في «مأمون وشركاه»
أكد الممثل محمد ثروت أن الفنان الكبير عادل إمام هو من طلبه بالاسم للمشاركة فى مسلسل «مأمون وشركاه».
وأضاف مع الإذاعية فاطمة مصطفى، فى برنامج «الراديو بيضحك»، المذاع عبر الراديو 9090: أول مشهد لى فى المسلسل كان قدام الزعيم، وهو بالنسبة لى أعلى «ليفل»، وأى ممثل يتمنى التمثيل قدامه، وقلت: أنا همثل واتبسط علشان الفرصة دى مش هتتكرر تانى.
وتابع: الزعيم من خبرته الطويلة بيعرف اللى قدامه ده بيعرف يمثل ولا لأ، ومن تانى يوم بقى فيه جلسات عمل فى غرفته قبل تصوير أي مشهد، وهو على المستوى الإنسانى جميل جدًا، ولما يلاقى حد شاطر بيساعده.
يذكر أن فاطمة مصطفى تقدم برنامجها «الراديو بيضحك» الأربعاء والخميس، من كل أسبوع من 9 إلى 11 مساءً.
