عمرو سلامة يدافع عن أبو حفيظة في أزمته مع التلفزيون المصري

دافع المخرج المصري عمرو سلامة، عن الإعلامي أكرم حسني، الشهير بشخصية أبو حفيظة، بعد حالة الهجوم التي تعرض لها بعد عرض أغنية "التلفزيون المصري"، في برنامجه واتهامه بإهانتها.

سلامة، قال عبر صفحته الشخصية بموقع "فيس بوك": "أكرم حسني وطاقم عمل أبو حفيظة قالوا اللي كلنا عارفينه وبنقوله كلنا عن تليفزيون الدولة، استعجب من ناس سابت المرض وهاجمت اللي شخصه، مش رجالة في مواجهة المشكلة بس رجالة قوي على اللي شاور عليها، مش بينضفوا الزبالة اللي بتشوه سمعة مصر بس بيصلبوا اللي صورها علشان يوريهالنا علشان نشيلها".

وأضاف: "حتى البرامج الكوميدية اللي مش بتتناول السياسة بشكل مباشر وبس بتنتقد بعض من الحال المايل بيتسابق المؤيدين والموائمين للعنها، خلاص؟ عايزنا نشوف المجاري ونقول عليها جناين؟ نشوف الفضايح فنتكلم عن الإنجازات الملفقة؟ نشوف الجوع فنغني "قول هاتدي إيه لمصر؟" يا إما نسجد ونركع يا مش عاجب؟".

وتابع: "متفهم أنكم مش قادرين إلا على البردعة، وكل ما تلاقوا بردعة مالهاش ظهر بتعملوا حفلة علشان تعرفوا تعلوا صوتكم، لكن القليل من الخجل لا يضر... أبدا".

يذكر أن حلقة برنامج "أبو حفيظة"، أثارت جدلًا واسعًا وذكرت بعض الأخبار أن التلفزيون المصري قام برفع دعوى قضائية ضد قناة mbc لسخريتها منه على لسان ابو حفيظة.