ميار الببلاوى تتصدر التريند: مشاهدى الجريئة عملتها فى نهار رمضان
تصدرت الفنانة ميار الببلاوي، تريند جوجل، بعد تصريحات جريئة صرحت بها خلال لقائها ببرنامج "قعدة ستات" الذي تقدمه الإعلامية مروة صبري، على شاشة "القاهرة اليوم"، ونرصد من خلال السطور التالية أبرز تصريحاتها.
كشفت الفنانة ميار الببلاوي، عن كواليس من مشاهدها الجريئة التي أدتها خلال مسيرتها الفنية، والذي كان أشهرها مشاهدها مع الفنان عمرو عبدالجليل، في فيلم «ديسكو ديسكو».
وقالت ميار الببلاوي: «الفيلم كله معظمه اتصور في نهار رمضان، وأنا عندي عقدة من التصوير في رمضان رغم أني كنت شابة وكده».
وأضافت: «مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني».
وتابعت: «لكن مشهدي الجرىء مع عمرو عبدالجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت».
ميار الببلاوي: نجلاء فتحي قالتلي رمضان معمول للفقراء مش للأغنياء
وورطت الفنانة ميار الببلاوي، الفنانة القديرة نجلاء فتحي، خلال حديثها وقالت: «لما رفضت تصوير مشاهدي الجريئة مع عمرو عبدالجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني».
وأكملت: «يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان».
