تزامنا مع ليلة زفافهما.. محمد فراج يفاجيء بسنت شوقي بـ«رسالة تخلع القلب»
رسالة رومانسية وجهها الفنان محمد فراج لزوجته الفنانة بسنت شوقي، خلال حفل زفافهما المقام بمدينة مرسى علم في محافظة البحر الأحمر، بحضور المقربين منهما فقط نظرًا لظروف السفر، حيث أُقيم الحفل على أحد الشواطئ وظهرت العروس بفستان "كت"، مطرز وشعر منسدل، إذ فاجئ فراج الحضور بقوله لزوجته: "بشكرك على صبرك معايا طوال الفترة اللي فاتت، ولو فضلت اتكلم عليكي العمر كله الكلام مش هيخلص يا جدعة يا صبورة يا بنت الأصول".
أضاف فراج لزوجته: "مش هينفع أقول كل اللي جوايا دلوقتي، ولو على الكلام هفضل اتكلم عنك كتير يا حبيبتي، بس عاوز أقولك قبل بحبك، إني بشكرك بجد، بشكرك يا عسل، بشكرط على ان قلبك طاوع مشاعرك، وإنه تغلب على عقلك، لأن عقلك كان ممكن ميوافقش إننا نبقي مع بعض".
تابع فراج خلال حفل زفافه على البحر: "صبرتي على حاجات كتير كانت ممكن تفرق ما بينا، وخاصة الحاجات اللي في شخصيتي وصبرتي على ردود أفعالي فعلا علشان كده لازم أشكرك من قلبي وأقول للدنيا كلها بحبك".
وخلال حفل الزفاف، احتضن فراج عروسه بسنت شوقي وحملها ليؤدي الثنائي رقصة "السلو"، على أنغام الموسيقى وعلى ضفاف البحر وفي الهواء الطلق وسط حضور الأهل والأحباب، وظهر فراج ببدلة باللون "الأوف وايت"، مع" بيبيون" باللون الذهبي وتألق بعددًا من الرقصات مع أصحابه والحضور.
يذكر أن فراج وشوقي، ارتبطا بقصة حب كبيرة منذ قرابة الـ7 سنوات، كُللت بعقد القران العام الماضي، وصرح الثنائي أنهما يستعدان لحفل الزفاف وفوجئ الجمهور أمس بنشر صورهما وهما يستعدان لحفل الزفاف من داخل مرسى علم بالغردقة حيث أقيمت حنة العروس تلاها حفل الزفاف.
