محمد بيحب سارة من قصار القامة: «بقالنا 8 سنين مع بعض وهتجوزها» (فيديو)
تصدرت حكاية أقصر غطّاسة في العالم والفنانة سارة قصتها مع خطيبها محمد، محركات البحث الإلكتروني ومواقع التواصل الاجتماعي "فيسبوك"، خاصة أنها يعتبر أغرب قصة حب حدثت بين شخصين، فرق الطول بينهما 64 سم، فهو طوله 195 وهي طولها 134سم.
وصف الجميع محمد بالرجل المخلص وأنه رزق لـ"سارة"، خاصة أن هذه القصة تمت محاربتها من الجميع نتيجة أن سارة من ذوي القدرات، تبدأ سارة حديثها لـ"الدستور": "بقالنا ٨ سنين مع بعض وهتجوزها.. بس الناس تسيبنا في حالنا".
الحكاية بدأت من خلال الرحلات في المصايف بين العائلات ولم يكن ببال "سارة" أن محمد وقع في حبها، خاصة بسبب فارق الطول والعمر بينهما فهي تكبره بـ8 سنوات: "كنت خايفة عليه جدًا من نظرة المجتمع ومكنتش متوقعة أنه يحبني خالص، خاصًة أننا بقالنا كتير كعائلتين مع بعض".
قوبل موضوع الزواج بالرفض في البداية من قِبل الطرفين، إلا أنَّ إصرار محمد وحبه لسارة جعل الحلم حقيقة، فبعد وفاة والده، قررت والدة محمد الذهاب للتعرف على سارة وعائلتها وسرعان ما قرأت الفاتحة، يكمل محمد وسارة حديثهما: "بعد سنتين من المحاولة أخيرًا الحلم بدأ يتحقق وكانت خطوبتنا في 2020، وحقيقي بحمد ربنا على وجودنا في حياة بعض كل لحظة وهو قادر يستحملني ويستحمل عندي وعارف يفهمني ويحبني، ومبيهموش كلام الناس نهائيًا".
واختتم محمد حديثه: "بدأت قصتي مع سارة من عشرين سنة لكن تحركت مشاعر الحب بينا من سنة، عانيت معاها في الأول كتير عشان اقنعها لأنها كانت رافضة وخايفة من كلام الناس، لكنى اتحديت كل شيء، لأن الطول والقصر ده بتاع ربنا مش بإيد حد دي إرادة ربنا، أنا طويل وهى قصيرة وفرق السن كبير وده مامنعنيش أنى أحبها بالعكس، أنا بحب شيء فيها كلامها ضحكتها، عصبيتها، صوتها الجميل، نفسي أشوفها أحسن واحدة في العالم وأشوفها نجمة في السما، واللى بيحب حد بيحبه بكل مميزاته وعيوبه، لأن القلب هو اللى بيختار وسارة اختارها قلبي وعقلي، وأنا مابخدش قرار واندم عليه وهفضل أحبها طول عمرى".
