بالصور.. أكرم حسنى يُلبى دعوة طفلة من ذوى الاحتياجات الخاصة
لبى الفنان أكرم حسني، دعوة طفلة من ذوي الاحتياجات الخاصة، أرادت زيارته في لوكيشن تصوير مسلسله الجديد "الوصية"، والمنتظر عرضه في شهر رمضان المقبل.
ونشر "أكرم" عبر حسابه على موقع التواصل الاجتماعي "فيس بوك"، عدة صور من كواليس لقائه بالطفلة زينة، وعلق على الصور، قائلاً : «أمبارح وأنا بصور لاقيت ناس كتير من قرايبي وأصحابي باعتينلي بوست بيطلب من الناس اللي يعرفوني يبلغوني أن في بنت بتحبني ونفسها تشوفني ولأني عارف أننا مشغولين في التصوير لحد نهاية رمضان ومش هافضي قبل كده، ولذلك تواصلت مع بابا زينة وطلبت منهم يجولي التصوير النهاردة».
وتابع: «لحد هنا و الموضوع عادي.. لكن اللي مش عادي بقي لما "زينة" جت النهاردة وقابلتها، والله العظيم أنا ما شفتش في حياتي بنت بالجمال ده ولا خفة الدم دي ولا اللماضة دي ولا الحنية دي ولا القدرة على التعبير عن إحساسها بالجمال ده، لدرجة أني حسيت أني أنا اللي كنت محتاج أشوفها مش هي».
واختتم: «إحساس عظيم أنك تأثر في حد وأنك تحس أن ربنا جعلك أداة تسعد الناس وأنت كمان تبقى سعيد لما حد منهم يظهرلك حبه، وربنا يحميكي يا زينة يا حبيبتي ويبارك لك في أهلك المحترمين الطيبين الجدعان اللي اتشرفت أني قابلتهم واتعرفت عليهم.. أنا في منتهى السعادة».
