بالفيديو..هذا ما قاله أبو حفيظة في خطابه لـ"مرسي"
بنبرة ساخرة حماسية ومؤثرة, وجه الإعلامي "أكرم حسني"، الشهير بشخصية سيد أبو حفيظة ، رسالة إلى الرئيس "محمد مرسي", وهى عبارة عن أبيات شعرية مؤثرة, خلال استضافته يوم أمس السبت 15 ديسمبر في الحلقة التاسعة عشر من برنامج "الليلة مع هاني".
الرسالة جاء مفادها من خلال الكلمات الآتية:
سيدي الرئيس
هديك ورقة واديك قلم، اكتب لي إيه الإنجازات؟
اكتب لي إيه ذنب اللي مات..أكتب لي وصفة عشان ما اموتش من كتر السكات
أصل السكات أصبح خرس...احكي ليه كترو الحرس
ليه الولاد ماتوا على القضيب..في المدرسة سكت الجرس
سيدي الرئيس
مع القلم رزمة ورق..احسب لي كام قلب اتحرق
على ابن راح من غير وداع..على حلم عمره اللي اتسرق
تقدر تقول لي حضرتك سودت ليه شاشة دريم..لو ده النظام تقدر تقول لي فرقت إيه عن القديم
الرأي ضدك اختلاف مش خلاف ولا رزالة..واختلاف الرأي أصلا من الحرية و من العدالة
سيدي الرئيس
الحسرة مالية قلوب كتيرة التار بيكتر في البلد..ولا عشان مش من العشيرة يموت 50 بنت وولد
الناس غلابة ومن حقهم يعيشوا في أمان غلق المواقع له أوان..صدقني يا سيادة الرئيس الأولى غلق المزلقان
نذكر أن أكرم حسني كان قد حرر بلاغ ضد المستشار/ عمرو محمد البهي -المشرف على لجنة 2 بمدرسة أحمد ماهر بحدائق القبة-، بعد رفض رئيس اللجنة إبراز تحقيق شخصيته للمذيع, حيث توجه حسني لرئيس مباحث حدائق القبة المقدم/ شريف فيصل، لتحرير محضر عقب حدوث مشادة كلامية بينه وبين قاضي اللجنة.
شاهد الفيديو:
