زينة لأحمد عز: استرجل ولم نفسك ولادك مش هما سبب فشل "ولاد رزق"

وجهت الفنانة المصرية زينة، رسالة قاسية اللهجة للفنان أحمد عز، بعد تصريحاته الأخيرة بأنه ليس ولاد توأميها، وأنه لم يسبق له الزواج منها.

زينة، قالت عبر صفحتها الشخصية بموقع "إنستجرام": "أنا أسفه لجمهوري الغالي اللي وعدته أني مش هذكر المدعو ده تاني بس كمان أنا مش هسكت لأي كلمة تتقال كدب زي ما وعدتكوا، ودي رسالة مني ردا على البيان المسمى بحوارات صحفية للمدعو أحمد عز أحب أقوله "مش لأن فيلمك فشل والناس مش طايقة تشوفك، لأنك ببساطة تصرفاتك لا تمت للرجولة بصلة، أحب أقولك استرجل وبطل تجيب اسمي واعرف إن في حكم محكمة وتحترمه غصب عنك لأنه حكم رجع لولادك حقهم وبكرة يكبروا ويعرفوا إنك حتى ماتستاهلش تكون بني آدم".

وأضافت: "لم نفسك وكفاية رخص وابعد عننا بكدبك الرخيص، وبدل ماتروح تشتكي وتعيط في كل مكان وتعمل شكاوي وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحلليل دي_ان_ايه dna، ده لو عندك أصلا، ولاد عز مش هما سبب فشل ولاد رزق والمرة الجاية لو فتحت بقك علينا تاني عليا أنا وولادك انتظر المفاجأة في الوقت المناسب كالعادة وأخيرا وأنا عارفة إنه صعب أحمد عز حاول تكون محترم، وأخيرا الحمد لله ربنا ظهر الحق وجاب لنا حقنا ابعد عننا بقى وحسبي الله ونعم الوكيل".

يذكر أن فيلم أحمد عز "ولاد رزق"، لم تحقق إيراداته سوى مليون و192 ألف جنيه فقط، منذ عرضه في السينما.