"حمزة نمرة": "أشوفكم الحفلة الجاية.. والله أعلم"
نفى المطرب حمزة نمرة؛ استبعاده من نقابة المهن الموسيقية، ووجه رسالة شكر لكل من وقف بجانبه في الأزمة التي مر بها، وخص بالشكر الفنان مصطفى كامل، رئيس نقابة المهن الموسيقية.
وقال "نمرة" - على صفحته الخاصة بموقع التواصل الاجتماعي "فيس بوك – "أنا بشكر كل حد وقف جنبي في اللي حصل ده، ومفيش حاجة هتقدر تعبر عن حبي ليكم يا جدعان، وأنا ربنا كرمني بيكم، ويارب دايمًا أفضل عند حسن ظنكم، وكل واحد رغم اختلافه معايا، ممنعهوش الاختلاف إنه ينصفني.. أنتم على راسي من فوق والله".
وتابع متقدمًا بالشكر للفنان مصطفى كامل نقيب الموسيقيين، والذي سانده ووقف بجانبه بعد قرار شطبه، وحتى عودته للنقابة مرة أخرى: "وأشكر الأستاذ مصطفى كامل لتوضيحه موقف النقابة، وده أفضل رد على الكلام العجيب اللي اتقال عني الأيام اللي فاتت، واللي مالوش أي أساس من الصحة".
وأضاف "حمزة": "ربنا يعلم.. أنا عمري ما غلطت في حق حد، ولا أسأت لحد، وحتى لو حد ظلمني بسكت، ومبدخلش في أي سجالات أو معارك، لأن دي طبيعتي، واللي هيبقى للإنسان هو السمعة الحسنة، ربنا يكتبها لنا جميعًا وأخيرًا.. أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم".
