محمد الباز: المصريون شعب لديه خبرة كبيرة جدًا فى الحياة والبقاء رغم الصعوبات

قال الإعلامي الدكتور محمد الباز، رئيس مجلسي إدارة وتحرير جريدة "الدستور"، إن المصريين شعب لديه خبرة كبيرة جدًا في الحياة والبقاء.

وأضاف الباز خلال تقديم برنامج "مش حسبة برمة" عبر إذاعة "نغم إف إم": "في صفحة اسمها مصر 2030 كاتبين جملة تلخص الوضع وتعطي الشعب المصري حقه، الجملة دي بتقول إحنا شعب بنقسم الرغيف على 3 حتت، حتة نأكلها علشان نعيش وحتة نشتري بيها سلاح وحتة نعمل بيها مشروع".

وتابع: "لو جيت تبص للتقسيمة دي هتلاقيها هي التقسيمة اللي المصريين طول الوقت بيشتغلوا بيها، تصرف فطري".

وأردف: "الجزء الأول من الرغيف تعيشه به لأن في مهمة تانية للثلث الثاني من الرغيف إننا يكون عندنا سلاح، لأن الموقع المتميز لمصر زي ما هو له فائدة يجعل البلد مطمع، ثم الثلث الثالث تعمل به مشروع، المصري وهو يواجه الصعوبات يرسم لمستقبله وهي دي العبقرية وخبرة الحياة والبقاء".

وأكد الباز أن مصر أقدم شعب وأقدم دولة محتفظة بحدودها منذ آلاف السنين، مشيرًا إلى أن العبقرية المصرية تعكس وضعًا حقيقيًا على الأرض رغم كل المشكلات.