المتهمون بفبركة "سحر مؤمن زكريا" يصلون محكمة جنح الخليفة

وصل المتهمون بفبركة سحر للاعب الأهلي السابق مؤمن زكريا، في القضية رقم 6904 لسنة 2024 جنح الخليفة، إلى محكمة جنح الخليفة؛ لنظر أولى جلسات محاكمتهم.

وقال مؤمن زكريا أمام تحقيقات النيابة: “اللي حصل إن لقيت واحد قريب زوجتي اسمه مصطفى كلمها، وقالها إن فيه واحد جارهم اسمه محمد قاله إن في ناس لقو عمل معمول لمؤمن في المقابر عشان كان العمل معمول على صور بتاعتي وكمان كان فيه عروسة مربوطة من إيديها ورجليها ودبابيس وكان عليها طلاسم وقالولي تعالى المقابر عشان تشوف العمل قالولي احنا كنا بنحفر عشان نزرع صبارة".

وتابع: "وهناك لما وصلت قابلت الناس اللي اتمسكو وكان معاهم واحد هرب وهناك وروني الحاجة في مية بملح والورق كان دايب في الميه وكان فيه صورتين واحدة كبيرة وواحدة صغيرة عليها طلاسم والعروسة كان مكتوب عليها طلاسم والورق كان محطوط في المية ودايب بعد كده أخدنا العروسة وبقيت الورق واتخلصنا منهم وهناك كان فيه واحد بيصور والموضوع ده هناك من وقت ما أنا دخلت المقابر واستأذنته أنه ميصورش ويمسح الصور ديه ومحدش ينزل حاجة ولا ينشر حاجة وبعد كده فوجئت بتداول الصور على مواقع التواصل الاجتماعي ونشر أخبار عني أثناء وجودي بالمقابر وهو ده كل اللي حصل".