أمينة المتهمة بفبركة سحر للاعب مؤمن زكريا: "كنت هحكى اللى حصل مع ريهام سعيد مقابل 100 ألف جنيه"
حصل "الدستور" على نص تحقيقات النيابة في القضية رقم 6904 لسنة 2024 جنح الخليفة، بشأن فبركة سحر لـ مؤمن زكريا، 36 سنة، لاعب كرة قدم سابق، ومنها أقوال السيدة المتهمة أمينة.
س: ما قولك فيما هو منسوب إليك من أنك متهم وآخرين بإذاعة أخبار وإشاعات كاذبة عمدًا بقصد تكدير الأمن العام وبث الرعب في الناس وإلحاق الضرر بالمصلحة العامة؟
ج: محصلش.
س: ما الذي حدث إذًا وما هى ظروف ضبطك وعرضك علينا؟
ج: اللي حصل إن رمضان ابن خالي تربي في مقابر سيدي عقبة من فترة لقى أعمال سحر وكان تقريبًا يوم 14 أو 15 سبتمبر في ترب هو مشرف عليها وكانت خاصة بالكابتن مجدي عبدالغني وبعدها كابتن مؤمن زكريا جه هو وشيوخ وفكوا الأعمال ديه وبعدها رمضان حكى الموضوع لصيدلي اسمه محمد زغلول والموضوع ساعتها انتشر في المنطقة وبعد كده بسمة أخت رمضان بعتت لمحمد مدير أعمال المذيعة ريهام سعيد وحكيت لها على الموضوع بتاع الأعمال بتاع مؤمن زكريا وقالتلها أنا ممكن أطلع مع المذيعة ريهام سعيد وأحكي الموضوع بتاع كابتن مؤمن زكريا مقابل إني آخد 100 ألف جنيه بعدين يوم السبت اللي فات كنت قاعدة أنا وبسمة لقينا تليفون بسمة بيرن ردت ولقت رمضان أخوها بيقولها إن الحكومة اخدته وانهم بيدوروا علينا ساعتها أنا وبسمة اتصلنا بمحمد عمر وحكيم ورحنا على مدينة الإنتاج الإعلامي وبعدين رحنا القسم يوم السبت الساعة 11 ونص بالليل واتعرضنا على النيابة وهو ده اللي حصل.
س : مَن صاحب الهاتف الخاص بالمحادثات التي أمامك؟
ج : التليفون الريد مي بتاعي.
ملحوظة بفحص الهاتف المحمول الخاص بالمتهمة تبين وجود محادثات بينها وبين المتهم عباس رمضان نجل التربي على الواتس آب على رقم هاتفه، وهناك محادثات قبل ميعاد العثور على السحر بها الصورة المزعوم العثور عليها وبها سحر مدفون ورد عليها المدعو عباس رمضان هيجيلك نطبعهم.
