إسلام إبراهيم من العلمين: نفسى أقدم نوعية أدوار مختلفة غير الكوميديا

تحدث الفنان إسلام إبراهيم، عن نوعية الأدوار التي يريد أن يقدمها في أعماله الفنية.

وأضاف إبراهيم خلال حواره في سهرة خاصة من العلمين على قناة "Cbc" على هامش فعاليات مهرجان العلمين: "عندي حاجات كثيرة جدًا، في نوعية أدوار كثيرة في الدراما لكن أنا لسه مشاركتش فيها".

وتابع: "مسلسل تحت الوصايا كان مبهر بالنسبة لي، جودر أيضًا والحشاشين، أنا نفسي أشارك في الحاجات اللي من النوع ده، علشان دايما في انطباع عن الكوميديان إنه لو دخل المشروع ده ممكن يخفف منه لكن أنا نفسي أعمل حاجات مختلفة".

واستكمل: "كل إنسان في الدنيا يمر بتجارب بتخلي عنده شجن، ولو حد بيضحك طول الوقت يبقى مش طبيعي، والضحك بيطلع من الشجن بنسميها الكوميديا السوداء نضحك على أحزاننا وهمومنا ومشاكلنا علشان تعدي".