عزومة "بانيه ومحشى".. خالد عليش يحكى مواقف طريفة على شاطئ العلمين المجانى
دعا الإعلامي خالد عليش جمهوره لزيارة مدينة العلمين الجديدة، بقوله: "تعالوا العلمين هتنبسطوا، لو حد لحق ييجي، إحنا بنصور (مبقتش كحيان في العلمين) في أماكن مختلفة".
وقال عليش، خلال لقائه مع الإعلامي إبراهيم عبدالجواد، في برنامج "صباح العلمين" المذاع على قنوات المتحدة: "المميز في العلمين عن الساحل، إنك تقدر تجيب حاجتك معاك وتقضى اليوم في الشاطئ المجاني، وأنا ماشي على الشاطئ فيه أسرة عزموا عليا بمحشي، قالوا معانا محشي بس في العربية، لأنه ممنوع هناك".
وأردف: "وأنا ماشي الناس بتعزم عليا ببانيه ومكرونة، وساندوتشات".
وأضاف: "الساحل بيخوف ومصاريفه كتير، لكن دلوقتي تقدر تروح الساحل تقضي يوم وترجع أو تقعد يومين ثلاثة، في الأول كانت مبالغ رهيبة، لكن دلوقتي، رحت الساحل وانبسطت وركبت البنانة، بفلوس قليلة".
