فريدة سيف النصر تتصدر التريند بعد تعرضها للسرقة.. ما القصة؟

تصدرت النجمة فريدة سيف النصر، تريند البحث عبر مؤشرات “جوجل” خلال الساعات الماضية، وذلك عقب إعلانها عن تعرضها لسرقة منزلها أثناء عدم تواجدها فيه خلال الأيام الماضية.

فريدة سيف النصر تتصدر التريند بعد تعرضها للسرقة

ونشرت فريدة سيف النصر، منشور عبر حسابها الرسمي بموقع التواصل الإجتماعي “فيسبوك”، تحكي فيه لمتابعيها عن طريقة تعرضها للسرقة، قائلة: “ياجماعه طنط فريده إتروقت جامد..استغرب جدا من اللي يمد أيده ياخد حاجاتك بمنتهي البجاحه ويسرقك وانت مٱمنه جدا..طيب ازاي هاتسلم بيتك لحد..وتلاقيه خانك..وممكن تأذيه لكن يصعب عليك عيالهم..برغم أن سهل جدا لو طلبوا الحاجات دي تديهالهم بطيب خاطر وبالحلال بدل مايبقوا حراميه وخاينين”.

وأضافت فريدة سيف النصر، من خلال المنشور: "أنا أول مره في حياتي ابعد عن بيتي كتير..ومن يوم مارجعت للنهارده كل شويه اكتشف كوارث متاخده..كل ما احتاج حاجه ادور مالاقيهاش..منك لله يا شيخه. ياجماعه أنا واضح اني سلمت بيتي لعديمة امانه وخاينه ومش عايزه اسب ولا أأذي علشان ماعملتش لهم بلوك ويمكن عيالها يهزءوها..لكن لو في عندها ضمير..ضمير ايه وزفت ايه يافريده..العوض علي الله بس مش هاتتهني أنا عارفه نفسي اللي بيخونني أو يظلمني ربنا في ظهري..حسبي الله بجد...هو أنا ناقصه...الحمدلله".

وكان آخر ظهور للفنانة فريدة سيف النصر كشفت فيه عن تفاصيل أزمتها الصحية، قائلة: "دخلت العناية المركزة وقلت لهم مش هقعد، لكن دخلت وعملولي قسطرة وكل حاجة، مش عارفين ده قلب ولا كلى ولا إيه، التحاليل كلها بينت إنه لا يوجد بها شيء، لدرجة أن الدكاترة كانوا بيهزروا مع بعض، ويقولولي ده إنتِ ولا شابة عندها 30 سنة".