دانا حمدان: لو قلت لراجل قبل كده بحبك هبقى كدبت عليه
أكدت الفنانة دانا حمدان أنها لا تكره الرجال، ولكنها لم ترتبط على مدار حياتها أو وقعت في "الحب"، إذ لم يتخطى الأمر حد الإعجاب فقط ولكنه ولامرة تطور إلى الحب.
وقالت، خلال حوارها ببرنامج "قعدة ستات"، عبر قناة "ألفا اليوم، من تقديم مروة صبري،: "دخولي في علاقات سابقة لم ترتقي لمرحلة الحب، عشان ملقتش الراجل اللي يوصلني لهذه الدرجة إني أقوله بحبك وأكون فعلًا بحبه من قلبي، ولو كنت قلتلا هكون كدبت عليه".
وتابعت: "أنا لو كنت حبيت بجد قبل كده مكنتش قدرت أنسى الحب ده بسهولة، والناس خدت كلامي عن إني محبتش قبل كده وحرفته وقالوا دانا حمدان بتكره الرجالة وده محصلش ومقلتوش".
وواصلت: "تجاربي السابقة مكنتش حب صادق أو متبادل حقيقي".
وعن مواصفات شريك حياتها، استطردت: "زمان كانت مواصفاتي الراجل اللي يملى عيني الراجل اللي بيتنطط ويروح ويسافر، دلوقتي أنا في مرحلة استقرار وعايزة الراجل العاقل، ويراعي ربنا ومهم إنه يكون محب للناس وفعل الخير، لأني شخص بحب الناس وبحب أساعدهم ولازم يكون زيي".
وذكرت: "أنا لحد سن معينة كنت فاتحة الباب أمام الارتباط على البحري، ولكني بعد فترة واربته ومش فترة قليلة، دلوقتي أنا مقتنعة إني لازم أفتح الباب تاني أمام الارتباط والموضوع ده مالوش علاقة بالسن خالص، لإني أنا في مرحلة عمرية تستدعي مني التأني في الاختيار، مبقتش صغيرة ومش قدامي سنين كتير ألعب بيها، في قصص الارتباط، محتاجة شخص فعلًا نستقر مع بعض".
