«كتر خيرك ياريس».. مواطنون يشيدون بقرارات الرئيس السيسى بشأن المرتبات
أشاد المواطنون بقرارات الرئيس عبدالفتاح السيسي، بشأن زيادة المرتبات والمعاشات، معربين عن تقديرهم لجهود الرئيس السيسي، لتعزيز الحماية الاجتماعية.
وأعرب مواطن عن سعادته بقرارات الرئيس السيسي، وقال: "قرار صائب وحكيم، وأي تجديد يفيد الموظفين سيعم على الشعب كله بغض النظر عن الفئة المستفيدة".
وعبّر أحد المواطنين عن فخره بقرار الرئيس السيسي، قائلًا: "دي خطوة كويسة للناس كلها بتؤكد أن الرئيس عينه على الشعب والمواطن وهو فعلًا على دراية بكل الملفات اللي بتطرح في الشارع".
وتابع مواطن آخر: "حاجة كويسة من الرئيس، خطوة كويسة في ظل الظروف الصعبة اللي عايشينها".
فيما وجهت مواطنة الشكر للرئيس السيسي، قائلة: "حاجة إيجابية جدًا في ظل زيادة الأسعار وارتفاع الدولار، ودي حاجة هتعمل توازن بين الأسعار والمرتبات والمعاشات".
وقال مواطن آخر: "أنا فرحت جدًا بقرارت الرئيس السيسي، ودي لفتة طيبة من سيادة الريس، وبغض النظر عن جشع التجّار والغلاء، لكن إحساس الريس بالغلابة ده شيء طيب منه، ورفع المعاشات هيساعد فئة كبيرة جدا أنها تقدر تواصل وتعيش حياة كريمة".
مواطن للرئيس: «الريس عملنا كل حاجة حلوة»
فيما وجه مواطن آخر الشكر للرئيس السيسي، مرددًا: "أشكر الرئيس على قراراته وكل معاونيه، خاصة على مشروع تكافل وكرامة وهو مشروع طموح، وبيساعد فئة كبيرة، وبشكره تاني على رفع المعاشات اللي هيساعد فئة كبيرة، ده غير التوسعات والإنشاءات والتطوير الكبير الحاصل، مصر لسه واقفة على رجلها في ظل كل الظروف الاقتصادية العالمية وبتكافح ومعاها شعبها".
وأفاد آخر: "كل الناس محتاجة الزيادة عشان تقدر تواكب الغلاء، وده قرار صائب في توقيت مهم".
وأعرب مواطن آخر عن سعادته بقرارات الرئيس السيسي، قائلًا: "سيادة الريس مبيعملناس غير كل حاجة حلوة، وقراراته إمبارح هتساعدنا على الغلاء".
ووجّه مواطن آخر كلمة للرئيس السيسي، قائلًا: "كتر خيرك ياريس حاسس بينا"، فيما أكدت مواطنة أخرى أن الزيادة في المرتبات والمعاشات تواكب الغلاء في الأسعار، قائلة: "ربنا يعين الريس على اللي هو فيه يارب".
وأبدى مواطن تقديره للرئيس مرددًا: "خطوة كويسة من الرئيس وهو هيعمل إيه أكتر من كده يعني في ظل أزمة عالمية على الدول كلها مش مصر بس".
