بسمة وهبة أثناء إجرائها «البوتوكس»: مابعملش عمليات تجميل.. وده أخري
تتعرض الإعلامية بسمة وهبة، للكثير من الشائعات والتي تزعجها بين الحين والآخر، حول خضوعها لأكثر من عملية تجميل، الأمر الذي كشفته بالدليل، عبر حسابها الرسمي بموقع تبادل الصور والفيديوهات، "إنستجرام"، بفيديو جديد لها.
وعلقت بسمة وهبة على الفيديو التي ظهرت فيه وهي تخضع لحقن منطقة "الحواجب"، بالبوتوكس، قائلة : اقسم بالله ما بعمل عمليات تجميل وده آخري انشالله حتي جلدي يقع ودكتور فراس محترف وشاطر اعمل ايه شطارته مخليه الناس فاكره اني بعمل عمليات".
ومنذ شهر، كان شاركت الإعلامية بسمة وهبة، متابعيها عبر صفحتها على موقع تبادل الصور والفيديوهات "إنستجرام"، بمقطع فيديو من داخل غرفة العناية المركزة بالمستشفى، ووجهت من خلاله رسالة لإحدى السيدات.
وقالت بسمة وهبة: "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم.. لما أقدر هكلمك راحت ردت عليا قالت لي آه مانتي مشغولة صحيح كل يوم ف بلد وبتتفسحي.. فعاوزة أقولها هي واللي زيها إن أي صورة ع السوشيال ميديا حلوة وراها أوقات وحشة وأي صورة فيها سعادة وراها أوقات تعاسة وألم".
وأضافت: "صحيح ممكن أكون مسافرة بس بعمل عملية ممكن أكون مسافرة وف عملية وفي البنج وحزينة لأن صاحبتي ماتت قبلها بيومين حتي وأنا في البنج وتعبانة وحزينة عليها وبدعيلها وممكن أكون مسافرة أتعالج مش أتفسح بس بما إني مسافرة لو ماعندكيش مانع أخرج قبل العملية وأتمشي في الشارع بعد العملية لو مايضايقكيش يعني أحب أقولك أنتي واللي زييك ربنا ما يحكم عليكي يا بنتي باللي في الواحد واحمدي ربنا إنك مش مضطرة تسافري عشان تلاقي حل لمرض نادر.. من فضلكم ارحمونا وسيبونا ف حالنا أنا صاحبتي وفاء ماتت من الحسد يا رب يا كريم يا رب يا وفاء يرحمك يا رب”.
