هشام سليم يتحدث عن نفسه والفن وإصابته بسرطان الرئة (فيديوهات)

تيقظ المصريون صباح اليوم على خبر وفاة الفنان هشام سليم، عن عمر ناهز الـ64 عامًا بعد صراع مع مرض سرطان الرئة، وتم تشييع  جثمانه من مسجد الشرطة بمدينة الشيخ زايد بمحافظة الجيزة، بعد صلاة العصر.

يرصد «الدستور» خلال السطور التالي، فيديو قديم لـ«هشام سليم» يتحدث عن نفسه وعن الفن.

وأكد الفنان الراحل هشام سليم في جميع اللقاءات السابقة على حبه الشديد للفن  وأنه عشق الفن رغم الظلم الذي تعرض له أحيانًا في السينما خلال سنوات نشاطه الفني.

وقال هشام سليم خلال لقائه مع الإعلامي أسامة كمال، في برنامج «مساء DMC»: «لما بفكر وأقول ممكن أعمل أي لو مكنتش كملت في التمثيل مكنتش بلاقي نفسي إن ممكن أنجح في حاجة تانية»، وتابع: «عمري ما حبيت حاجة قد التمثيل في حياتي، أنا بحب جدا كل الأدوار اللي بعملها إن كانت كويسة أو وحشة».

كما تحدث خلال اللقاء عن معاناته من سوء التقدير، قائلًا: «ولكن كل اللي عانيت منه إن ملقتش نفس التقدير اللي بياخده الناس الأقل مني، سواء المادي أو المعنوي او الإعلامي، أنا الحاجة الوحيدة اللي مخلياني مكمل إني رغم كل الظروف اللي كانت او كنت شايفها ضدي فأنا متواجد فأنا مبسوط من نفسي أوي، فحتى لو اختفيت ورجعت لما برجع بيبقى ليا وجود وبعمل حاجة الناس بتحترمها ودا كفاية بالنسبالي».

وعن إصابته بسرطان الرئة، قال: «الحمد لله، أنا راضي بقضاء الله وقدره»، مُتابعًا: «بابا كان في لندن وراح للدكتور قاله أنت عندك سرطان في الكبد، قاله لازم أمشي دلوقتي عندي ميعاد مع حفيدتي هوديها السينما، وفعلا أخد بنتي ووداها السينما، ومكانش بيتكلم خالص واتعامل عادي جدا، ده قضاء وقدر، وقال هيمشي في الإجراءات مش أكتر ولا أقل، ومكانش بيشتكي رغم صعوبة حياته وقتها».

آخر أعمال الفنان هشام سليم

وشارك الفنان هشام سليم في الماراثون الرمضاني لعام 2021، من خلال مسلسل هجمة مرتدة، وحقق من خلاله نجاحًا جماهيريًا كبيرًا في العالم العربي، ودارت أحداثه حول أحد ملفات المخابرات المصرية