رامى جمال يطرح أغنيته الجديدة «أدّبتنا الدنيا» على يوتيوب

طرح المطرب رامي جمال أغنيته الجديدة "أدّبتنا الدنيا"، وذلك عبر موقع الفيديوهات يوتيوب.

الأغنية من كلمات إبراهيم جاد ومن ألحان محمد أنيس وتوزيع وسام عبدالمنعم، ومكس وماستر شركة برو ميوزك ستديو، وجاءت كلمات الأغنية كالتالي..

«الهدوء والابتسامة مقصودين و بدم بارد

ولا جاية تجسي نبضي.. كل شئ في الدنيا وارد

ع العموم مش فارقة حاجة.. احنا اكتر من بعدنا

عيشتي بعدي وعيشت بعدك م الحكاية شيلنا ايدنا 

أدّبتنا الدنيا واحنا اللي نستاهل حسابها

هي غلطة وجت ف ثانية ضعنا من بعض بسببها

واحنا ملناش حق نزعل أو نعاتب بعض حتى

كل واحد فينا كان ليه حاجة ف التاني وسابها

فاكرة لما البعد خدنا.. وانتي سلّمتي ورضيتي

شوفي حالي ازاي بقيت.. وانتي بردو ازاي بقيتي

رامية نفسك جوا حضن غريب ومش مرتاحة فيه

وأنا رامي نفسي ف حضن عارف عمره يوم ماهيبقى بيتي 

أدّبتنا الدنيا واحنا اللي نستاهل حسابها

هي غلطة وجت ف ثانية ضعنا من بعض بسببها

واحنا ملناش حق نزعل او نعاتب بعض حتى

كل واحد فينا كان ليه حاجة ف التاني وسابها».

وكان طرح رامي جمال، قبل أيام، سابع أغنيات ألبومه الجديد بعنوان "مسيري أنساك"، وتعاون فيها مع الشاعر الغنائي محمد عاطف، والملحن أحمد العدل، والموزعين الموسيقيين إلهامي دهيمة وأحمد حسام.

ويضم ألبوم «يستاهل بوستين» 12 أغنية، ومن أسماء الأغنيات «بقيت أخاف»، «خلينا قاعدين»، «موقف ضعف»، «قمر ومنور»، «أنا دلعت»، «مسيرى أنساك»، «أدبتنا الدنيا»، «شفت الحقيقة»، «سيبنا بعض»، «كلمينى شوية عنى»، «فى جمال كده».