«مش هتقدر تفرش الشقة لوحدك».. هكذا سخرت الفتيات من هاشتاج «إلغاء القايمة»؟

حالة من الجدل أثارتها قائمة المنقولات الزوجية على موقع التواصل الاجتماعي “فيس بوك”، خاصة بعد أن شن بعض الأشخاص حملة للمطالبة بإلغائها تحت هاشتاج “#إلغاء_القايمة”، ما جعل بعض الفتيات من رواد السوشيال ميديا يعلقن عبر صفحاتهن يسخرن منها. وهو ما ترصده “الدستور” في السطور التالية:

"حبيبى ماتضغطش على نفسك قوي في حوار الحلل كده كده مبعرفش أطبخ"، هكذا استقبلت روان يسري تريند إلغاء قايمة العروسة، حيث إنها طالبت من خلال منشور خاص بها عبر موقع التواصل الاجتماعي "فيس بوك" من خطيبها بعد الالتفات حول شراء الأواني بشكل كبير، كونها لا تستطيع الطبخ.

وقالت أمال مرسال في منشور لها عبر "فيس بوك" إن "القايمة" هدفها تقليل تكاليف الزواج على الرجل، وعلقت: "مش هتقدر تجيب السكن وتجهزه وتدفع المهر واللبس لوحدك  يا فقييير..خلو العروسة بقت تجيب ف الجهاز وتحفظ حقها بقائمة المنقولات يا فقيييير.. وحتى المهر قسموا مقدم ومؤخر المقدم ربع جنييه والمؤخر مش بتاخده الا لما تتطلق رغم أنه حقها بمجرد الزواج  ده لو متنازلتش عنه عشان تغور من وشك يافقييير".

وتناولت صابرين ماهر الأمر بمنظور مختلف، وقالت: "بمناسبة تريند سقوط القايمة في مصر تعالى اقولك كلمة صغيرة هو مبدئيا مفيش ف الإسلام حاجة اسمها قايمة منقولات ومفيش انسان عاقل يكتب على نفسه ورقة ب ٣٠٠ و لا ٤٠٠ الف جنيه عشان شوية حلل وسجاجيد وستاير".

وأضافت أن الرجل في الأساس ملزم بتجهيز منزل الزوجية من الألف إلى الياء حسب ميزانيته، وعلقت: "دي ظروفك وده حالك واللي تقبل اهلا و سهلا واللي تلاقي إن ده مينفعهاش فلا ضرر ولا ضرار".

واستخدمت سهام يحيي صورة من فيلم لمجموعة من الشباب يسيرون في صف واحد، وعلقت قائلة: “بعد إلغاء القايمة الرجالة وهما رايحين يلحقوا عروض رنين”.