الظهور الأول لحنان ترك بعد سنوات.. تعرف على أبرز تصريحاتها
ظهرت الفنانة المعتزلة حنان ترك للمرة الأولى في ظهور إعلامي منذ سنوات من خلال بث مباشر على صفحتها الرسمية على موقع التواصل الاجتماعي "فيس بوك: بعد توثيقها، حيث انتحل الكثير صفتها مؤخرا، وخلال التقرير التالي نرصد أبرز تصريحاتها في النقاط التالية:
تصرحيات الفنانة حنان ترك
- عاوزة أشكر كل اللي وقف جانبي في مرضي الأخير وخاصة أسرتي وكل أصدقائي اللي سألوا عليا ودكتور أشرف زكي نقيب المهن التمثيلية الذي طلب مني رسالة صوتية لطمئنة أصدقائي وزملائي.
- أي حد بيتكلم باسمي ياريت أنتم اللي تقفوا لهم لأن لقيت صفحات كتير بتنتحل صفتي وبتتكلم باسم في الدين والسياسة.
- أنا لا يمكن أكون صاحبة الصفحات دي اللي بتتكلم في السياسة لأن أنا “جاهلة سياسيا” وليس لي وعي سياسي إن أقول اعملوا كذا وما تعملوش كذا وما أعرفش أنظر كده وبالنسبة للدين قولتها قبل كده لما اتحجبت أنا درست الدعوة على سبيل النجاة وليس على سبيل الدعوة.
- الحديث في الدين يحتاج علم وفقه والكثير من الأمور “مش أي حد يتكلم فيه ومي أي حد يقول قال الله وقال الرسول أنا فين والكلام ده فين ده كبير عليا”.
- لا أحرم ولا أحلل وأنا اصغر من أن أفتي في دين الله عز وجل.. ونصيحة مني لو عاوز فتوى أو نصيحة خدها من أهل العلم.. الفتوى محتاج تصريح.
- صعبت عليا نفسي لما كتير من أصدقائي واصحابي زعلوا مني من حاجات ماليش علاقة بيها.. وزعلت وقولت هما ممكن يفتكروا إن ممكن أنا أقول أو أعمل الحاجات دي.
- الحمد لله كل الصفحات المنتحلة واللي كانت بالملايين من المتابعين مش هتبقى موجودة وأنا مش هسكت على الحاجات دي وأي حد كتب حاجة بلساني يا ريت يشيلوه أنا هبدأ آخد إجراءات قانونية.
- قررت التواجد على وسائل التواصل الاجتماعي للتواصل مع الجمهور بدلا من الشائعات وانتحال شخصيتي وأنشأت قناة على يوتيوب سأطرح عليها فيديوهات لاحقا بالإضافة لتوثيق حساباتي وصفحاتي على المنصات المختلفة.
