«متسبش أبوك لوحده».. إيمي طلعت زكريا ترثي والدها عبر «فيس بوك»
أثار منشور للفنانة إيمي طلعت زكريا عبر صفحتها على “فيس بوك” تعاطف معجبيها ورواد مواقع التواصل الاجتماعي، وأحيت من خلاله ذكرى والدها الفنان الراحل طلعت زكريا.
وقالت إيمي طلعت زكريا: " لكل شخص والده عايش ..متسبش ابوك لوحده وهو رايح فرح أو عزا او دكتور.. خليك جنبه طول الوقت اشبع منه عشان والله هتندم أشد الندم على كل لحظه عددت وانت مش جنبه".
وأضافت :"مش هتحس بقيمته غير لما يروح منك الأب سند ليك ولأسرة كامله.. بر ابوك وهو عايش وخليه يرضي عنك.. لما تتجوز وتخلف وولادك يشوفو اللي بتعملو في ابوك هيعملو فيك انت كدا لما تكبر كما تدين تدان".
واستكملت ايمي طلعت زكريا :" خد رأي ابوك في كل حاجه هو شايف اللي انت مش شايفه عاش اد عمرك مرتين أقبل نصيحته بكل فخر وبكل أدب واعتزاز هو نفسه يشوفك احسن واحد في الدنيا....الأب سند ليك في كل حاجه أنت من غير أبوك متسواش حاجه... شيل جزمه ابووك وحطها تاج علي راسك الناس هتحترمك وتقدرك وهتقول انك ابن بار بوالديه ".
واختتمت :" والله لو كان الموت اختيار لاخترته من اجل اكون بجوارك أبي الحبيب ..رحمك الله واسكنك فسيح جناته".
آخر أعمال إيمي طلعت زكريا
يذكر أن الفنانة إيمي طلعت زكريا شاركت مؤخرًا في بطولة مسلسل بت القبايل، وهو من تأليف شاذلي فرح، وإخراج حسني صالح، وبطولة كل من عمرو عبد الجليل، حنان مطاوع، محمد رياض، محمود عبدالمغني، منة فضالي، مدحت تيخا، سميرة عبد العزيز، أشرف عبدالغفور، محمد عبدالحافظ، بهاء ثورت، محمود الجابري، دينا، عمر زهران، مفيد عاشور، إنعام الجريتلي، محمد عبدالجواد، هاجر الشرنوبي، حمدي هيكل، محمد الشقنقيري.
