منى زكي وأحمد حلمي.. قصة حب بدأت بـ«عدم استلطاف»
تصدر اسم الفنانة منى زكي مؤشرات البحث على موقع جوجل، وذلك عقب لقائها أمس مساء الاثنين مع الإعلامية إسعاد يونس فى برنامج صاحبة السعادة.
فى هذا السياق نستعرض أبرز التصريحات التى قالتها منى زكي عن علاقتها بـ أحمد حلمي، زوجها فى برنامج صاحبة السعادة:
تحدثت عن موقف “حلمي” من مسلسل لعبة نيوتن، والذي تم عرضه في الموسم الرمضاني الماضي، قالت: “مابحبش اتفرج على نفسي ولكن دي أول مرة اتفرج على نفسي لما اتعرض المسلسل، لأن أحمد غصب عليا وقالي اتفرجي عليه لايف في نفس اللحظة مع الجمهور، ورد فعله إن في حاجة حلوة بتحصل وساعات كانت بتعجبه حاجات”.
وكشفت عن بداية علاقتهما،قائلة: “كنت في مرة في مكتب المنتج محمد فوزي، وكنا هنعمل مسرحية بطولة عامر منيب، وقالي إن في دور عنده بيفكر يجيب فيه أحمد حلمي، وكان وقتها بيقدم برنامج لعب عيال، وأنا كنت بتابع البرنامج ده بس مكنتش عارفة وشه لأنه بيظهر بضهره”.
واستكملت القصة: “قلت للمنتج محمد فوزى يا ريت ده حد لذيذ أوي، وأنا بينى وبين نفسي عاوزة أشوف وشه، ولما جه المكتب سلم بطريقة غريبة، وبعدين جاله تليفون وأنا ومحمد فوزي دخلنا البلكونة بنتكلم، وقلتله لا ده طلع رخم أوي ومش لذيذ زى البرنامج، وقلتله جربه أنا مش عارفة، ووقتها كنت بقول عليه إنه رخم على الحقيقة”.
واختتمت حديثها قائلة: “بدأنا بروفات وبدأت أشوفه لذيذ، وهو تقريبا حس إني هامشي من المسرحية، وكنت فعلا وقتها هعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصحابي المقربين”.
