طبيب نفسي لـ حلا شيحة: تخلصي من الازدواجية في الشخصية والسلوك المهتز
أثارت الفنانة حلا شيحة الجدل عقب نشر الفنان تامر حسني الكليب الخاص بفيلم "مش أنا" والذي يعرض حاليًا بدور العرض، حيث هاجمت تامر لنزول كليب جديد ظهرت فيه بصورة رومانسية، ودعته للتوبة.
ونشرت حلا، عبر حسابها الرسمي على موقع الصور انستجرام، منشورًا قالت فيه: "أنا اتفاجئت جدًا بنزول كليب يجمع فيه مشاهد متفرقة من الفيلم، خصوصا بعد آخر بوست نزلته ووضحت فيه أنا إيه.. واتفاجأت أكتر خصوصًا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
حلا شيحة
ومن جانبه علق الدكتور جمال فرويز، استشاري الطب النفسي، قائلًا إن الفنانة حلا عليها التخلص من الازدواجية في الشخصية وأن يكون هناك حد فاصل بين الشخصية الدرامية والشخصية والمعتقدات، فهي تراضت أن تكون فنانة وهي من خضعت لتصوير الفيلم بكامل إرادتها كيف تهاجمه بعد ذلك.
وأضاف لـ "الدستور" أن سلوك حلا شيحة الآن هو سلوك نفسي مهتز، كما أنها تتسم بالتغيير الحاد والسريع في المزاج.
ونصحها الدكتور جمال فرويز عدم الاستمرار على التذبذب وفي حالة الارتضاء بالاعتزال فتقدم على ذلك طالما في مصلحتها.
وكانت حلال قالت أيضا في المنشور الخاص بها : "إحنا يمكن نجحنا بمقاييس الدنيا بس صدقوني بمقایيس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسی".
وأضافت “شيحة”: "أنا مش حتكسف من حد.. أنا تبت من المشاهد دي وهي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلًا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
واختتمت: “إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمني أموت وأنا مطرب أنا دايما خايف کده.. كلام أكيد قولته في لحظة صدق جواك وجوانا كلنا من شوفه تاني يمكن يفكرك أن جواك أكيد في صراع وأنا وكلنا كلنا بنغلط بس المهم في الآخر نتدارك الغلط و نصلح ”إلا من تاب وآمن عمل عملًا صالحًا أولئك يبدل الله سيئاتهم حسن وكان الله غفورًا رحيمًا".. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
