طارق الشيخ يطرح أغنية «القلوب طرحت حجارة»
طرح النجم طارق الشيخ أحدث أغانيه والتي تحمل اسم "القلوب طرحت حجارة" من ألحانه وكلمات ناصر جلال وتوزيع زيزو فاروق واستوديو أحمد جودة.
وتقول كلمات الأغنية :
انت ليه يا ابن آدم بتخاف ولا تختشيش
وليه بتقسي وتفتري ولو قدرتي مابتعفيش
يا دنيا يادنيا الطمع علي رأي مين قالي كانت بيت لمين دي حسبه بالملي
ياما ناس ملاها الغرور
ياما ناس ملاها الغرور
عايشين بغش وزور وبيعملوا اللالي
بقي معقول يادنيا لسه علينا بتكدبي
وتعاندي الي كله شهامه وزي البحر بتقلبي
بقي معقول يا دنيا لسه علينا بتكدبي وتعاندي الي كله شهامه وزي البحر بتقلبي
انتي كل يوم بحاله وجايه علي الناس العماله
ولا يعني انتي بغزاله وناويه فينا تعزبي
فينا مرضي لسانها سايب يكلوا لحمك وانت غايب
والي تفتكر انه صاحب البعيد واطي وغبي
القلوب طرحت حجارة كله باعنا بالخسارة
والجروح بتسيب امارة وانتي بينا بتلعبي
بتقوليلي ماعدش فارق والحنين راح مفارق
والي عايش بالمبادئ فوق دماغه وتضربي
والي عايش بالمبادئ
والي عايش بالمبادئ فوق دماغه وتضربي
قلبي مل من القساوة والي مليانين عداوة عايشونا ياناس في نار
وناس افترت في الدنيا قلبت عليها في ثانيه والزمن عليها دار
الي فاكر نفسه فاهم كل حاجه وهو واهم
الي فاكر نفسه فاهم كل حاجه وهو واهم
يأذي غيرة وهو رايق جايله يوم وهتقلبي
الي خلا الحلو حادق حتي لو بالظلم بادئ
الي خلا الحلو حادق حتي لو بالظلم بادئ
في ناس من ضعفها بتنافق علي الاصيل ليه تعيبي
القلوب طرحت حجارة كله باعنا بالخسارة والجروح بتسيب امارة وانتي بينا بتلعبي
بتقوليلي ماعدش فارق والحنين راح مفارق والي عايش بالمبادئ فوق دماغه وتضربي
واللي عايش بالمبادئ
واللي عايش بالمبادئ فوق دماغه وتضربي
وقرر المطرب طارق الشيخ طرح ألبومه الجديد، الذى يحمل اسم "وردة البيت" الشهر المقبل بعد تأجيلات كثيرة بسبب كورونا، ويضم 8 أغان متنوعة، تعاون فيهم مع عدد كبير من الشعراء والموزعين والملحنين، من ضمنهم عزيز الشافعى وأشرف البرنس وطه الحكيم وتامر حجاج، وعصام حجاج وكريم عبد الوهاب وسيد شعبان عبد الرحيم وأحمد أمين وسامح الكومى وفضل الراوي وصلاح مندى، ومحمد النجار وإسلام شيبسى، ومن إنتاج مصطفى السويفى.
