رضوى الشربيني تتصدر تريند تويتر بعد إنقاذ فتاة من الانتحار
تصدرت رضوى الشربيني تريند تويتر بعدما ساعدت فتاة من ان تتخلص من فكرة الانتحار، وكانت الفتاة قد نشرت قصة التحرش بها على تويتر وانها قررت التخلص من حياتها بعد ضغط الاهل عليها.
رضوى الشربيني تتصدر تريند تويتر بعد إنقاذ فتاة من الانتحار
القصة بدأت عندما نشرت مريم على تويتر قصة تحرش ابن عمها بها بعد سفر والديها بالخارج، وعندما علم عمها قام بضربها ضرب مبرح، حتى بعدما حكت لوالدتها واعتبرها فضيحة كبرى، وبعد سنوات من الألم النفسي قررت أن تحكي ما حدث لها.
وقررت مريم الانتحار وكتبت:"كل شخص بيكون عارف ان دي نهايته وانه مش هيقدر يكمل مهما كان الدافع انا متأكده ان دي نهايتي مش هقدر اصحي يوم كمان في العالم ده لأي سبب انا حاولت كتير انا بقالي 21 سنه بحاول انا مش ضعيفه بس مش قادره اكمل حاسه بخوف جوايا حاسه بألم فعلا جوا روحي وعارفه ان دي النهايه فعلا".
بعد قرار مريم وجدت دعم كبير ممن حاولوا دعمها نفسيا لمنعها من فكرة الانتحار وكتبت:" النهارده رضوي الشربيني ومنظمات حقوق المرأه وصحفيين وجمعيات وناس متخيلتش حد انهم ممكن يكلموني كلموني وانقذو حياتي والموبايل لغاية دلوقتي مبيبطلش رن من كل الناس انا مش عارفه اشكركو ازاي او اشكر رضوي ازاي بس انتو انقذتو حياتي والله والله انا بكتب وانا بعيط انتو انقذتوني".
وتابعت:" والله والله كان بيني وبين اني انهي حياتي لحظه بس وكنت مصممه علي الخطوه دي ومش قادره اتراجع لحد ما لاقيت الموبيل بيرن كتير كتير وارد الاقي استاذه رضوي الشربيني بتكلمني وبتمنعني اعمل كده وساعه كامله بتهديني وانها هتجيبلي حقي ومسابتنيش غير وانا كويسه وسمعتني لأخر حرف حقيقي والله".
مغردون يشيدون بموقف رضوى الشربيني مع الفتاة
وبعدما دعمتها رضوى الشربيني تصدرت تريند تويتر واشاد رواد تويتر بدورها قائلين:" رضوى الشربيني...براڤو بجد. قدرت توظف شهرتها لمساندة فعلية ودعم حقيقي. كل الاحترام والتقدير ليها حتى لو بختلف مع محتوى برنامجها."، وقالت نهى حد كان يتخيل إن رضوى الشربيني تكون بهذه المصداقية؟ كوين فعلا واثبتت ده بجدارة".
الجدير بالذكر أن الإعلامية رضوي الشربيني انتهت من الموسم الرابع من برنامج هي وبس قبل شهر رمضان والان بدأت في تحضير الموسم الخامس.
اقرأ ايضا
هيفاء وهبى ترد على آخر تطورات قضيتها مع مدير أعمالها
محمد النقلي: «طلقتك نفسي» يروي 15 حكاية عن الزواج السريع
«الأنسة فرح» و«حكايات بنات».. أعمال الأجزاء تبدأ التصوير (تقرير)
