رواد السوشيال لجمال عيد: من أين لك هذه الأموال؟
هاجم مجموعة من رواد مواقع التواصل الاجتماعي "سوشيال ميديا"، اليوم الثلاثاء، جمال عيد بسبب إنفاقه المادي ببذخ بشكل لا يتناسب مع دخله من عمله.
وجه النشطاء رسائل لجمال عيد قالوا خلالها: "تهنئة واجبة إلى مستر جمال عيد والعائلة الكريمة بمناسبة نجاح الأستاذة الفاضلة كريمته لينا التي تدرس فى أمريكا بمناسبة حصولها على مجموع 103%".
وتساءل المهاجمون: "ليه سيادتك مش بتعلمها فى مصر زى مخاليق ربنا ولَّا يمكن الدراسة فى مصر مش قد مقامك، فجأة اليسارى المناضل المحترم عنده فلوس يعلم بنته خارج البلاد؟".
وتابعوا: "يا مستر من أين لك هذا؟ كان زمان فيه حاجة اسمها جهاز المدعى العام الاشتراكى ولما
يعرف أن فيه حد ظهرت عليه علامة الثراء غير المبرر كان بيستدعيه ويتحقق معاه وأمواله تتصادر حتى يِثبت مصدرها".
واستطردوا: "إحنا جماهير الشعب المصرى بنهنيك يا مستر جمال مرتين الأول بنجاح السنيورة، والثانية بإن أخيرًا الشيك وصل ثانى حاجة يا ريت حاسب على كلامك لأن الجو فى مصر مش كئيب زى ما بتدعى لأن الكآبة سببها أنت وأمثالك، ياريتَ سيادتك تحصل بنتك ونخلص منك ومن أمثالك ويتلم شملك على باقى المطاريد بهى الدين حسن وعمرو واكد وباقى شلة العملاء".
واختتموا: "سؤال ثاني يا مستر جيمى؟ هو باقى أولاد سيادتك بيدرسوا فين ولا كلهم فى أمريكا زى لينا، طيب ولو كانوا فى أمريكا سيادتك بتصرف عليهم منين؟".
