نجل مريض كورونا بكفر الشيخ:«الناس لم تراعي وضعنا والمرض مش عيب»
قال عوض عبدالعزيز، نجل أحد المصابين بفيروس كورونا المستجد "كوفيد-19"، في محافظة كفر الشيخ، أن والده حاليا يقبع داخل مستشفى العزل ببلطيم لتلقي العلاج اللازم، وأنه سيخرج في أقرب وقت بعد علاجه وقضائه فترة النقاهة وسيعود سالما للمنزل مرة أخرى.
واستنكر عبدالعزيز معاملة الناس معهم فور علمهم بمرض والده، خلال صفحته على موقع التواصل الاجتماعي "فيسبوك" قائلا: في الوقت اللي كنت بقرأ بوستات الرعب علي أبويا بطريقة مباشرة أو غير مباشرة من غير حتي ما يتأكدوا ولا يسألوا، كنا لسه في مرحله التحاليل والأشعة وإحنا نفسنا مكناش لسه متأكدين ولما تأكدنا عملنا الصح له ولنا وللجميع رغم ان ظروفه اللي محدش قدرها خاصة وصعبة".
وتابع: " بشكر كل واحد مارعاش ظروف حد وقعد يقطع بمزاج من غير حتي ما يسأل ولا يتأكد، المرض مش عيب ولا حرام ولا بمزاجي ولا بمزاجك، وإن شاء الله فتره نقاهة وأبويا يرجع سالم غانم بالسلامة هو وكل مريض، وبقول للناس جميعا خذوا حذركم احنا دخلنا في الجد أنا واحد من الناس لحد أول امبارح مكننش مقتنع بالمرض ده".
