صابرين تكشف عن شخصيتها في مسلسل «ليالينا 80» (فيديو)

قالت الفنانة صابرين، إن البعض سخروا من دعوات الفنانين لهم بعدم الخروج من المنازل، على الرغم أنهم يخرجون لاستكمال تصوير المسلسلات الرمضانية، موضحة أنهم التزموا بمدة الـ14 يوما، التي طالبوا الجمهور بها.

وأضافت صابرين، خلال مداخلة هاتفية ببرنامج "الستات مايعرفوش يكدبوا"، الذي تقدمه سهير جودة ومفيدة شيحة ومنى عبد الغني، عبر قناة cbc، أنها التزمت بتنفيذ ما طلبته من الجمهور، وبقيت في منزلها لمدة 14 يوما، قائلة: "إحنا فعلا عملنا كده، وقعدنا في البيت، بس نظرا للمسؤولية الجبارة اللي بتبقا على الواحد وإن في ناس كتير هتقعد في بيوتها لو منزلتش الشغل، نزلنا.. هي مش مسألة مادية قد ماهي مسألة معنوية إنك برأي واحد هتوقفي سير عمل كبير، بتبقي في وقت صراع ضمير قوي جدا، بين ولادك ولا الأسر المفتوحة ولا نفسك!".

تابعت: "أنا مش بضحي بنفسي بس.. أنا بضحي بوالدتي إذا كانت قاعدة معايا أو لو حد مسن في عيلتي أو أطفال، لأن ممكن لو اتنقلي الفيروس انقله ليهم لما ارجع البيت.. عشان كده بقول لكل منظومة العمل بتاعة رمضان كإعلام وفن ومسلسلات بقول لكل الناس تحياتي وتقديري وأشكركم بجد من كل قلبي.. لأن حاولنا بقدر الإمكان نجتهد إحنا في جهاد برضو يا جماعة بنقعد في التصوير بالـ12 ساعة مش عارفين هنروح إزاي في الحظر".

وعن دورها في مسلسل "ليالينا 80"، قالت صابرين إنها تتمنى أن يلقى العمل قبولا لدى الجمهور، موضحة أنها تقدم دور زوجة شهيد، تقوم على تربية أولادها، مضيفة: "هنشوف