نشوى مصطفى عن خلع صابرين للحجاب: "هي حرة"

دافعت الفنانة نشوى مصطفى، عن زميلتها الفنانة صابرين، بعد الانتقادات التي تعرضت لها مؤخرًا بعد خلع حجابها ونشرها صور دونه عبر صفحتها الشخصية بموقع "إنستجرام".

وقالت نشوى مصطفى، في منشور عبر صفحتها الشخصية بموقع "فيس بوك": "بالمناسبة كل واحد حر أنا بحب صابرين، ممثلة معجونة موهبة غول تمثيل يتخاف منها، ويتعمل لها حساب كممثلة نجمة من وهي طفلة".

وأضافت: "صابرين أرقى بنى آدم ممكن تقابله جدعة وبنت بلد وكريمة عمري ماشفتها اتكلمت على حد غير بكل خير، أول مرة اشتغلت معاها كنا لسه فى أولى معهد تمثيل، وهي كانت نجمة رغم اننا تقريبًا من سن واحد كانت عندها عربية مرسيدس واحنا كلنا كنا معندناش فكانت بعد مانخلص الأوردر توصلنا كلنا كل واحد بيته أو توصلنا المعهد ومفيش مانع بردوا كانت بتعزمنا على ساندوتشات فى السكة".

وتابعت: "تانى مرة اشتغلت معاها كان مسلسل إخراج صديقنا وليد عبدالعال رغم السنين صابرين هى هى نفس التركيبة الطيبة الراقية — صابرين شالت التربون اللي كانت بتحطه على شعرها وطبعًا اللي واخدين التوكيل حيقطعوا فيها يومين تلاتة بس بعد كده حتطلع حاجة جديدة يفتوا فيها يا بشر الله واحد والوسطاء يمتنعون ياصابرين انا بحبك".