بالفيديو.. سعد الصغير يكشف تفاصيل "سهرات" تامر أمين

انتقد المطرب الشعبي سعد الصغير حملة الهجوم التي يقودها الإعلامي تامر أمين ضده، وإنكاره السهر فى بعض الملاهي الليلية التى يعمل بها سعد.

وقال سعد، خلال مقطع فيديو نشره على "اليوتيوب": "أنا مش بعمل مشاكل مع حد ولا بتخانق مع حد والصحافة دايما بتظلمني، لكن لما يطلع تامر أمين ويقول أنا شوفت سعد واتنين بيضربوه يبقى لازم أعرف الناس إنه بيتبلى عليا".

وتابع مهاجما "أمين": "عيب دة أنت راجل شيك وجنتل، ازاي تطلع وتقول أنا مش بسهر خالص وأنت طالع بتقول عمري ما بسهر، طب إزاى مش بتسهر وأنت كنت في جافار من 3 أيام، ومرة كنت بتشرب وكان معاك واحدة من الإمارات، وقلتلي والنبي تحيي الإمارات".

وواصل: "نفسي تطلع قدام المشاهد وتمسك المصحف وتحلف انك مسهرتش في سميراميس عند سعد الصغير وأنك متفرجتش على دينا".

وأضاف سعد مخاطبا "أمين": "كل حلقة تشتم الناس عشان أنت مسنود، وأنا بقولك الكوسة دي خلصت من زمان، والرئيس بتاعنا حبس وزير".