أمير طعيمة مهاجمًا أفلام السبكي: "كرهتونا في العيد"
انتقد الشاعر الغنائي أمير طعيمة، الأفلام السينمائية التي تعرض في العيد وخاصة فيلم "عيال حريفة"، مؤكدًا أن نوعية هذه الأفلام أفسدت السينما المصرية.
طعيمة، نشر الإعلان الرسمي لفيلم "عيال حريفة"، عبر صفحته الشخصية بموقع "فيس بوك" وعلق عليه قائلًا: "طول ما فيه جمهور بيخلي الأفلام دي بتجيب إيرادات طول ما الأفلام دي هتفضل موجودة "أو الفيلم ده" لأن هو نفس الفيلم تقريبا بيتعرض كل عيد صغير وعيد كبير بنفس الناس تقريبا مع كل ما يستجد على الساحة من راقصات أو بتوع مهرجانات".
وأضاف: "الحل في رجوع الطبقة المتوسطة اللي كانوا بيوفروا من مرتباتهم جزء بسيط يروحوا يسمعوا أم كلثوم وعبدالوهاب وعبدالحليم وغيرهم، أو يحضروا مسرح لمدبولي و فؤاد المهندس وغيرهم وكانوا بيضحكوا برضه و يتسلوا".
وتابع: "منه لله كل اللي خلى تركيبة المجتمع المصري تسمح بوجود نوع زي ده من الفن وللأسف ليه مريدين"، كما ذكر أن التعليم و رفع مستوى الطبقة الفقيرة و تقريبها من الطبقة المتوسطة هو الحل.
الشاعر الغنائي قال: "مبروك لخيري رمضان، العيال اللي فردت لهم وقت في حلقتك دخلوا في ٤٨ ساعة وشاركوا في العمل التاريخي ده كنوع من الطرشي والمخللات لفتح شهية ناس مبقوش بيستطعموا إلا النوع ده من الأكل، بقيتوا بتكرهونا في العيد".
