أحمد السقا: "الفخراني" علمني حكمة لن أنساها طوال حياتي

قدم الفنان المصري "أحمد السقا"، التحية والشكر للفنان الكبير"يحيي الفخراني"، عبر صفحته الشخصية بموقع "فيس بوك" قائلًا: "إن الفنان الكبير أستاذي ومعلمي وهو من أصحاب الفضل الكبير الذي أدين له به، أعطاني حكمه في بداية مشواري الفني، تعد من أعظم دروس حياتي".
"السقا" أضاف: "كنت صغيرًا و زي أي مراهق احلم بالشهرة أو الهجرة أو المال، فاستدعاني وأغلق باب غرفته و كنا نصور "ألف ليلة وليلة".. "يا على يا على"، وقال لي: "أنت عايز إيه ف حياتك؟"، قلتله عايز ابقى وأبقى وأبقى.. بس بصراحة حبيت التمثيل أوى بس شايف أنى مش هابقى حاجه فيه، فأدرك بفطنته ما أعنى ثم أعطاني واحد من أعظم الدروس، قائلًا: "مش مهم تبقى نمرة 1 لأن الدوام لله المهم لو كنت 2 أو 3 تبقى نمرة واحد ف المركز المتاح ليك".
وتابع: "واعمل اللي بتحبه مش المفروض عليك، لأنك عمر ما هتبقى حاجة غير ف اللي أنت بتحبه، يا رب تكون وصلتلكوا... و شكرًا لأستاذي ولواحد من أهم أصحاب الفضل بعد الله".