وجوده تعبنى.. رامى جمال يطرح أحدث أعماله الغنائية على يوتيوب
طرح المطرب رامي جمال أحدث أعماله الغنائية بعنوان “وجوده تعبني”، منذ قليل، عبر قناته الرسمية على يوتيوب، وهي من كلمات عمرو المصري، ألحان عمرو الشاذلي، توزيع عمرو الخضري.
تقول كلمات الأغنية:
ربنا يبعد بينه وبيني
يبعد عني ويبقى ناسيني
ده وجوده تعبني وعذبني
ودموعي خلصت من عيني
ربنا ياخد حقي وأشوفه
عايش بعدي يموت من خوفه
وبحق الأيام الصعبة
يتعب ويعاني مع ظروفه
وأنا عن نفسي نفسي عينيا متشوفهوش
حتى بصدفة مقبلهوش
حتى سلام مش عايز أقولها
يمشي وعادي مودعهوش
وأنا عن نفسي تعبت
وقلبي مش مرتاح
لكن هفرح أوي لو راح
هم كبير يتشال من قلبي
وهودع من بعده جراح
يالا خلاص أهو راح من بالي
بقى زي الهوا بالنسبالي
عشت أنا بتعب ياما عشانه
عاش هو بيكسرني ليالي
ربنا شاهد عاللي آسيته
واللي أنا شيلته ف عيني داريته
اداني تمن الحب ده قسوه
بس خلاص خفيت ونسيته
وأنا عن نفسي نفسي عينيا متشوفهوش
حتى بصدفه مقبلهوش
حتى سلام مش عايز أقولها
يمشي وعادي مودعهوش
وأنا عن نفسي تعبت
وقلبي مش مرتاح
لكن هفرح أوي لو راح
هم كبير يتشال من قلبي
وهودع من بعده جراح
من جهة أخرى، طرح مؤخرًا رامي جمال أغنية جديدة تحمل اسم "حالته صعبة"، وهى من كلمات محمد جمال وألحان فارس فهمي وتوزيع وميكس وماستر أحمد أمين، وتعد الأغنية آخر أغانى ألبومه الذى حقق نجاحًا كبيرًا فى الفترة الأخيرة.
وأحيا مؤخرًا رامي جمال واحدة من أقوى حفلاته بمسرح يوأرينا على هامش مهرجان العلمين الجديدة في دورته الثانية، ورفع شعار كامل العدد، وقدم من خلاله باقة كبيرة من أغانيه التي تفاعل معها الجمهور، ومنها "قول حبيبي إنك معايا" و"قدامي" و"أنا جتلك" و"اللي مشيوا" و"فترة مش سهلة" و"بيكلموني".
وتفاعل جمهور رامي جمال مع أغانيه الذي قدمها خلال حفله بمهرجان العلمين الجديدة ومنها "يستاهل بوستين" و"قدامي" و"سقف"، ورددها معه.
وقدم رامي جمال خلال حفله بمهرجان العلمين الجديدة موهبة جديدة من كورال فرقته يدعى علي، وقدم أغنية "لحظة بعادك".
ووجه رامي جمال الشكر للشركة المتحدة للخدمات الإعلامية على تنظيم حفله بمهرجان العلمين الجديدة، قائلاً: "بتشرف بالغناء في مهرجان كبير بحجم العلمين الجديدة"، وأضاف: "مصر أم الدنيا وأي فنان يحب يشتهر بييجي مصر".
