تضحكلى الدنيا فى ضحكتها.. أحمد سعد يطرح أغنية "بنت ناس"
طرح المطرب أحمد سعد أحدث أغنياته “بنت ناس” منذ قليل على يوتيوب، وحصدت 3 آلاف مشاهدة خلال 15 دقيقة فقط من طرحها، وهى كلمات مصطفى حدوتة، وألحان وليد العطار.
كلمات الأغنية:
تضحكلي الدنيا في ضحكتها
ويسرقني الوقت في قعدتها
دي بتاخد العقل بحلاوتها
أنا مقابلتش أجمل منها
تتدلع تختارعلي ذوقها
وبسيبها على راحتها بشوقها
عيني بتحسدها على هدوئها
أنا مببطلش كلام عنها
دي بنت ناس
وتختلف عن كل الناس
ولو كان للقمر انعكاس
هينعكس علي مرايتها
دي بنت ناس
بجمالها يشهد كل الناس
وعيون جميلة مليانة إحساس
مبشوفش حد في رقتها
بيروقلي الجو بروقانها
اسمي بيحلو علي لسانها
ولا حتي أربعة يملو مكانها
لا هى وبس مفيش غيرها
بتمزج لما أسمع صوتها
بتمزج اوي لما أبسطها
وموافق على كل شروطها
مش شايف في الدنيا دي غيرها
دي بنت ناس
وتختلف عن كل الناس
ولو كان للقمر انعكاس
هينعكس علي مرايتها
دي بنت ناس
بجمالها يشهد كل الناس
وعيون جميلة مليانة إحساس
مبشوفش حد في رقتها
كان أحمد سعد أثار حيرة جمهوره خلال الأيام الماضية، بعد نشره جملة من الأغنية على صفحته بإنستجرام، وهو ما جعل البعض يخمن أنه يلمح لعلاقته بطليقته عارضة الأزياء علياء بسيوني، وذلك بعد الحديث عن عودته لها.
