ريهام السهلى تشيد بحفلة التسعينيات فى العلمين: "استمتعت بيها أوى"

أكدت الإعلامية ريهام السهلي، أن مهرجان العلمين يسوق لمدينة العلمين الجديدة بشكل غير مباشر، معقبة: "بنشوف ده أكتر من خلال شغلنا، الناس مستمتعة في المهرجان سواء الحفلات أو الفعاليات الرياضية وجولات المسئولين، وزيارات ضيوف مصر الكبار".

وأضافت السهلي، خلال لقائها ببرنامج "صباح العلمين" الذي يقدمه الإعلامي إبراهيم عبدالجواد، ويذاع على قنوات المتحدة: "المكان رائع ويستحق إنه يتشاف من غير ما نقول تعالى زور العلمين، المكان بيتكلم عن نفسه والمهرجان ساعد إن ده يحصل والناس تشوف العلمين قد إيه مكان خلاب بجد جذب العديد من السائحين".

حفلات وفعاليات 

وتابعت: "إحنا بنتفسح وإحنا بنشتغل، والبحر في العلمين لا يقارن بأي مكان سواء لونه ودفئه ورمله وشطه، هنا بجد حاجة تانية، البحر في الساحل الشمالي والعلمين حاجة جميلة".

وعن الحفلات والفعاليات التي حضرتها بمهرجان العلمين، قالت: "حضرت حفلة التسعينيات، ده طبيعي لأن دي أغانينا إحنا، ولها ذكريات حلوة ولذيذة عندنا، واستمتعت بالحفلة جدا، وأغاني فنانيها بسيطة ولطيفة، وهُما طبيعيين ونجوم قريبين من القلب".